¶ Inden ſeluen jaer ſo wert vyant die hertoech van burgoengen des gheſtichtesvan vtrecht ende die hertoch van burgoengen dede een alte groten ſcip maken totamſterdam datmen die katte hiet oft een blochuus gheweeſt hadde Ende dat dedehi ſette voer die Eme dat hi dat ſticht daer mede dwinghen ſoude ende dit was inenen herden wijnter. ende daer lach dat ſticht mit een groot heer van volck op dieeme voer die katte ſo dat ſi die een ſide vander kat ſeer ſceynden mit ſcieten vā buſen. Mer doet begonde te doyen ſo dreyde die kat om mitten yſe ganck ende die ader ſide quam voerſtaen. ende die op die kat laghen ende wiſten anders nijt dan ſighedrenct ſoude hebben. ende die ſtichtſe sagen dat die kat alſo draeyde ſo meēdenſi datſe alſo ghemaect was datmenſe alſo dreyen mocht Ende doe brakē ſi op endetoghen thuus. ende in deſen tijden ſterff die hertoch van clouceſter.Anno dn̄Graue vanBollantRegnierden☞ Inden jaer ons heren M iiijᶜ xxvij opten iiij dach in meye ſoe worden u̓ſoen-die hertoch van burgoengen ende vrou iacob van hollant Ende is mitten hertochvan burgoengen hoeren neue ghetoghen in henogouwen in hollant in zeelant invrieſlant En̄ heeft den hertoch van burgoengen doen hulden ouer al als ruwaerende recht oer der landen. ende cort daer na int ſelue jaer ſo wert oeck gheſoent ieſchen den hertoch van burgoengen ende den ſicht van vtrecht.¶ Int jaer Miijᶜ xxxij ſo verliefde vrou iacob op enen ridder wt zeelant ghenBoren ende hiet heer vranck van Borſelen Ende deſen ridder trouwede ſi heymelichtot enen man Als dit wtbrack ſo dede hertoch philips van Burgoengen intſel;uer jaer inder maent van julio deſen heer vranck van borſelen vanghen inden hagende deden vorē opt ſlot tot repelmonde En̄ die ſprake ghinc dat hi hem ſijn hoeſtoff woude doen ſlaen Vrou iacob dede ſeer veruolghen om heer vranck van borſelete liue te houden ende wt der vangheniſſe te crighen Des ſo quam die greue van.uers biden hertoch van burgoengen ende heefttet ghededingt Als dat vrou iacobvan hollant gaf den hertoech philips van burgoengen ouer henegouwen hollantzeefant ende vrieſlant Ende des ſoude heer vranck van borſele wt der ghewanghe-niſſe comen ende hi ſoude mit vrou iacob hebben dat lant van voern ſijn loeuen lantEnde daer toe der vrouwen leuen lanck ſuutbeuelant ende dat lant vander tollenEnde alle die tollē van hollant ende van zeelant. ende hertoch philips die gaf heelvranck van borſelen die greefſcip van oeſteruant tot ſinen liue. ende heer vranckquam wt der vangheniſſe ende behielt vrou iacob te wiue Ende hertoech philipswaert ghehult in henegouwen in hallant in zeelant ende in vrieſlant als recht eſtheer der landen voerſcreuen.