Dit ſijn die cronijcken vanden beghinnen vanden edelen greuē vand̓ mercke.Ende vanden edelen greue vanden berghe die namaels hertoghen worden.¶ Inden jaer ons heren M C xxij doe keyſer heinrick die eerſte alſoe ghenoemtregnierde doe waren twee ghebroeders Die ouſte hiet Adoulphus Ende die anderhiet Eueraerdus ende waren gheboren vanden edelen gheſlachte van romen als va-der vrſinen gheſlachte Ende ouermits gunſt en̄ liefft die den keyſer heinrick tot hedroech ſo heeftſe die keyſer verſien ende ghegheuen ſonderlinghe plaetzen ghelegenin weſtphalen die ſi te voeren wel befien hadden om woenninghe daer te ſtichten en̄hebben bequaem plaetzen dier gheuonden Adulphus die ouſte die heeft ghefundiert ende ghetymmert een caſteel in vollues hegghe dat doe ſo ghemeenlic hiet. en̄was bi den kant vander greefſcap van aernſberch Ende als die greue van aernſberch dat vernam datmen daer ſulcken caſteel maecten inden berch ſo heeft hi hendoen vermanen en̄ ſegghen dat ſi dat nijt voert tymmeren en ſouden wanttet ſijn:re heerlecheyt altena ſtont ende daer om wert dit caſteel gheheten vanden tymmerluden altenae.¶ Daer na heeft die greue van Aernſberch gearbeyt om deſe broeders te verdieuen ende heefft dat caſteel beleghen Mer ouermits die ſtercheyt des caſteels ſoe enheeft hi daer nijt op ghewonnen Ende die twee broeders ouermits victorie enderijcheyt ſo hebben ſi dit caſteel ſeer vermeert. Ende die ander broeder Eueraerdus die tymmerde een caſteel gheheten Aldenberghe int lant dat nv dat lant vanden berghe hiet Ende deſe twee ghebroeders Adulphus en̄ eueraerdus ſijn machtich ende rijck gheworden. ende die keyſer die heeftſe ghemaect greuē ende heeft ghmaect twee greefſcappen Die een hiet die greefſcap van Altenae dat nv die greefſcap vander mercke hiet en̄ daer was Adulphus voerſcreuen die eerſte greue ofEnde die ander greefſcap hiet die greefſcap vanden berge ende daer was eueraer;dus voerſcreuen die eerſte greue off.¶ Daer na een deel jaren ſo heeft eueraerdus die eerſte greue vanden berghe ach-ter ghelaten ſijn heerlicheyt. ende is ghegaen heymelick in een cloeſter gheheten Morumundi vander oerde van affteraenſis ende hield hem daer ſeer cleyn en̄ oetmoe-dich ende hi en had gheen kinder. ende Adulphus ſijn broeder nam ſijn heerlicheyt¶ Daer na quamē ij ridders wt ſinen lande bi dat cloeſter en̄ deſe greue eueraer-dus ghinc oetmoedelick en̄ hoede des cloeſters verckē Ende deſe tweeridders dievraechden hem nae den wech ende ſi worden hem kennende dat hij die greue wasBi litteyken die ſi aen hem kenden in ſijn aenſicht Ende ſi ſeydent greue Adulphſinen broeder horen heer als ſi thuus quamen.