Int beghinſel heeft god gheſcapen hemelen̄ eerde Sinte Auguſtijn ſeyt opt boeckgeneſim dat die auctoriteyt deſer ſcriftueen meerre is dan tbegrip alles menſcheli-des verſtants. en̄ want wi hier principalike dencken te ſpreken van die tijt ſo heeftons behaecht cortelick te rueren dat begin-ſel des tijts. waer om ſelmē mercken alsdie doctores beſcriuen. datter int beginſelvan god gheſcapen ſijn ghelijck en̄ tſamenvier dingen wt nijt In welcken blencketende ſchijnt die ouerſte moghentheyt desſceppers Deſe vier ſijn aldus ghenoemt Celum empyreum dat is die vuerigenhemel. die enghelſche natuer. die materi der vier elementen. en̄ die tijt. Ende ditheten die doctores dat werck des ſceppings dat ghewrocht is voer en̄ eer dat em̄ghen dach ghemaect wort Hier nae volchde dat werck des verſcheydings. Inwelcken blencket die ouerſte wijſheyt des ſceppers. en̄ dat gheſchiede in die eerſ-te drie daghen Daer na volghet dat werck des cierheyts daer die ouerſte goet-heyt des ſceppers in ſchijnt dat gheſchiede in die drie and̓ daghen alſt claerlick beſcreuen ſtaet ī geneſi int eerſte capittel. Mer inden ſeuenden dach ruſtede god vāalle werck dat hi ghewrocht had. nijt dat hi werckende vermoeyt was. mer dathi of liet te maken enich nywe creatuer welcke materi ofte ghelikeniſſ nijt voerghemaect en was Ende dat ſinte jan beſcrijft in ſijn vijfte capittel. Mijn vaderwercket tot nv toe en̄ jc wercke. dat is te verſtaen van een ſtadighe dienſtaftic-heyt den creatueren. Want hi laet nijt of te regieren en̄ te behouden dat hi gheſcapen heeft. Ende daer in ſchijnt die ouerſte volcomenheyt des ſceppers want hhem ſeluen ghenoech is en̄ en behoeuet den creatueren nijt. mer die creatueren be-hoeuen hem. wāt die cracht des ſceppers is allen creaturen een ſaeck des weſens.en̄ dat is dat die ſeuenden dach gheen auont en heeft Hier of doerſiet ſinte Thomas int and̓de boeck vanden hoghen ſin en̄ die doctoers daer op ſcriuende Endewant deſe navolghende tijt hoe wel datſe ons bewijſt god tot deſe vier voerſproken. als die ouerſte moghentheyt. wijſheyt. goetheyt. en̄ daer wt volghende dieouſte volmaectheyt Nochtans bewijſtſe ons mede die godlike bermherticheyt.en̄ rechtueerdicheyt. Als dauid ſpreect. O heer. Ic ſal di ſinghen bermhertich-heyt ende rechtueerdicheyt. Item alle die weghen gods ſijn bermherticheyt endewaerheyt Ende bermherticheyt hout dat ſceptrum dat is den ſtaf alſo langhe alswi op deſer eerden wanderen. welcke nyemant gheweyghert en wert.