CCC xiijInden ſeluen jaer van xxvi opten vierden dach in Aprillſoe toech vrou iacobvan hollant mit ſchoenhouen der goude oudewater ende mit die kermelander endemit een deel vten ſticht van vtrecht voer haerlem daer ſi voer laghen vier wekenEnde binnen haerlem lach als capyteyn heer Roelant van wtkercken Ende dievoer haerlem laghen die branden meeſte deel al die molen ende huſen off. die butēder poerten van haerlem ſtonden Ende hier teghens bereyde hom heer ian van wt-kercken mit pickaerden ende vleminghen ende oeck mede veel hollanders ende zee-landers ende ſijn ghecomen tot leyden ende meenden vrou iacob van haerlem te verdiuen Mer doe dit vrou iacob mitten horen u̓nam ſo toghen ſi haeſtelick van haerlem en̄ quamen tot alphijn opten rijn bi leyden ende daer ghemoete hem dat volckdat binnen leyden vergadert was ende daer rees enen groten ſtrijt en̄ vrou iacobwas ſelue inden velde Ende daer waren ridder gheſlagen van vrou iacobs ſijde heerian van waſſenaer heer ian van langheraeck heer hemric van cranenborch heer Euerte die baſtaert van hollant heer dirck vand̓ merwijn heer gherijt van poelgeeſtheer aernt vā ghent En̄ daer worden omtrent vᶜ mannē u̓ſlaghen en̄ lxxxv poerters van leyden En̄ deſe ſtrjt gheſchiede op mey auont des mghens vroech Envrou iaob boech mit ſeghe mder goude.¶ Inden ſeluen iaer waren vergad ert die van haerlem mit hoer banmeren endedaer quamen hoer teghens enighe heren die binnē der goude ſaghen mit vrou iacobende ſi vochten teghens die voerſcreuen ſteden bi alphen ende wonnen den ſtedehoer bannieren aff ende ſloeghen ende vinghen veel volcs Ende daer waren vi off vijuͤter mannen van amſterdam ghevanghen die hoer ſekerheyt lieten varen ende enquamen nye in.Inden jaer M iiijᶜ xxvijſo quam hertoch philips van burgoengen en̄ beleydeſeuenberghe in enen herden wijnter xiiij weken lanck En̄ die ghemeent van ſeuenberch wert tweedrachtich teghen den heer van ſeuenberghe En̄ daer om moſt dieher van ſtuenberge een dedinghe aen gaen dat hem van ghenen noot gheweeſt haddedes ſi eendrachtich gheweeſt hadden van binnen Ende die ghemeent ontfengenden hertoech van burgoengen voer enen heer behoudelick hoer lijffs ende goets en̄hoer rechten Ende die heer van ſeuenberghe mit ſinen vrienden ende vreemden gaſ-ten toghen wt ſo ſi in ghecomen waren Mer op wat vorwaerde dat die heer van ſeuenberghe ſijn ſtede ende ſlot ouer gaff dat laet ic ſtaē Mer die heer van ſeuenber-ghe beklæche hem ſeer datmen ſijn vorwaerden nijt en hielt ende moſt dolen endeſterffin armoeden.¶ Int jaer Miiijᶜ xxvij in die heylich weke ſterf hertoech ian vā brabant daerna int ſelue jaer wert hertoch philips van burgoengen ghehult in hollant ende inzelant als ruwaert ende recht oer der landen ſonder die van ſcoenhouē der goudeende oudewater die bleuen bi vrouwe iacob hoer rechte lantſprouwe.