CC lxxvDit ſijn die Cronijcken en̄ gheſlachten der edelre princen der greuen van vlaenderen opt cortſte hoe ſi eerſt quamen ende voert veruolchde.Sommighe hebben geſcreuen van vlaenderen dat inden jaer ons heren viende xxi bi des keyſers Erackus tijden Ende bi coninc lotharius tijdēvan vranckrijck den vierden kerſten coninck ſoe was een vroem ſchilt knecht en̄hiet liderijc van lulleſbuc ende was ſaluwaerts ſoen van dygon Ende dat deſe li-derijc had coninck lotharius dochter ende wan daer bi xv ſonen En̄ elcke ſoen hadſijn ſonderling lantſcap off caſteelen off heerlicheyt Ende ſijn ouſte ſoen hiet An-thonius ende die wan voert liderijck den eerſtē foreſteere van vlaenderen Mer oftalſo is dat beueelt gode wantmen daer nijt veel beſcheyts of en vijnt in waerach-icheden mer men vijnt wel als hier na beſcreuen ſtaet veruolghende.Anno dominiDie Cronijckvā vlaenderenRegnier denvijᶜ xcvLuderijchxliiij jaerInden tijden coninck kaerls den groten die keyſer van romen was ende oeckconinck van vrancrijck ſo was daer een lant dat ſeer woeſt was en̄ ongheoefentende luttel bewoent was daer veel boeſſcagie in waren ende maraſſchen ende wild̓miſſen ende was ſeer onveylich van moerdenaers ende ſtraet rouers Ende in ditlant lach een dorp dat aerllebeec hiet ende daer woende een ionc ridder en̄ die hoerdat aerllebeec toe ende hiet liderijch Ende deſe ridder had een wijff wt almaengēende ſi hiet flandrine Coninck kaerl die groot voerſcreuen die maecten deſe lide-rijch foreſtiere ende boſſche wachter van deſer wilderniſſe en̄ dat hi die ſtraten vey-lighen ſoude van des conincs weghen om den coepman ende ander lude veylich tewesen Ende dit was int jaer ons heren vijᶜ. ende xcij Ende die coninck noemdedit lant mitter foreeſt dattet voert hieten ſouden flandrijn na deſen liderijchs wijffEnde deſe liderych leefde in ſijn regiment xliij. jaer en̄ ſterf en̄ wert tot aerllebeecbegrauen Ende hij liet enen ſoen hiet ingram Ende deſe liderijch voerſcreuen wasberwapent mit een ſchilt van laſuer mit vijff gheren van goude En̄ mit een ſchiltvan keel.