CC lxviiDie biſcop beriet hem mit die heren die bi hem laghen als die heer van brederodedie heer van abcoude die heer van vyanen die borchgreue van montfoerde heer janvan amſtel ende veel ander ridderen en̄ knechten Ende berieden hem alſo dat ſi daervouden legghen en̄ verwachten wes hem quaem Ende waert dat die hertoch vanghele quaem ſo ſoude die ſtadt vā vtrecht en̄ van amerſfoert ter ſtont in die veluetocken om die te verderuen Ende doe die opten huſe van coevoerden gheen ontſetten vernamen gauen ſi den biſcop borch en̄ ſtede op behouden hoer lijf en̄ goet datdaer op hadden.Int jaer M cccc en̄ een omtrent ſinte jacobs dach toech biſcop frederick mit ſinen ridderen en̄ ſteden voer groninghen drie weken lanck aen die drenth ſyde endedaer na wertet ghededinct.Int jaer M ccc xcvi omtrent ſinte jacobs dach belach biſcop frederic mit dieſtadt vā vtrecht dat ſloot te rynenſteyn en̄ wonnēt en̄ worpent te gronde toe off.Int jaer M cccc en̄ vijff twee daghe voer ſinte lucien dach wert den biſcop dathuus te euerſteyn op ghegheuen behoudelick hoer lijff en̄ goet die daer op waren endat huus wert ter ſtont ghebarnt en̄ ten gronde toe off ghebroken.Inden ſeluen jaer des dages voer ſinte thomas auont wert hertoch wilam vāBlant dat huus en̄ ſtede vā hagheſteyn op gegeuen behoudelick hoer lijff en̄ voer-in des hertoghen ghenade te gaen Ende ter ſtont ſo wert dat huus en̄ ſtede aen ghſteken mit brande en̄ daer na te gronde toe off ghebroken Ende biſcop frederic mitdeccleſie vā vtrecht brocht hertoch wilam betoen hoe dat hagheſteyn en̄ haeſtrech.der kercke van vtrecht toebehoerde en̄ van outs altoes toebehoert had. en̄ hertochwillam lietet hem houden en̄ bliuen aen den ſticht.¶ Int jaer M cccc xxi op ſinte martijns auont wert wageningen ghewonnen.¶ Int jaer M cccc xxij brocht heer zweder van culenborch die domproeſt ſinteadraens hoefs tot vtrecht inden doem dat ſinte marien weerde int cloeſter menichjer gheruſt hadde wantment int cloeſter nijt veel eeren en dede.Int jaer M cccc xxiij op ſinte victoers auont ſtarff die edel vorſt biſcop fre-dick van Blanckenhem na dat hi bi xxx jaren dat gheſticht van vtrecht vrome-lick en̄ eerlick gheregiert hadde.Doe biſcop frederick ſaligher ghedachten gheſtoruen was doe deden veel vorſtenen heren arbeyden en̄ bidden elck voer ſijn maghe en̄ vrienden Die biſcop vā colenbidt voer joncheer walrauen van muerſe ſinen broeder Die biſcop vā ludyck voerden proeſt van aken die ſoen tot bueren was Die biſcop vā munſter voer joncheerdelbert vander hoey daer hi oem off was Die hertoch vanden berch voer joncheerghrijt van cleue Die hertoch van cleue voer joncher weloff van diephout ſinenneve Ende meer ander heren elck bat om die ſijn.