¶ Fredericus des greuen ſoen van Blanckenhem was eerſt biſcop tot ſtraeſborchen̄ hi was die .li. biſcop tot vtrecht xxx jaer lanck Ende als biſcop florens ghe-ſtoruen was ſo quam hertoch aelbrecht van hollant en̄ bat voer heer rodgier vanBronchorſt datmen hem kieſen woude Ende hertoch willam vā ghelre die quam en̄bat voer biſcop frederick van blanckenhem die biſcop tot ſtraeſborch was. Merdat meere deel vander eccleſie coren biſcop frederick van ſtraeſborch ende hi quamtot vtrecht en̄ wert daer eerlic ontfanghen vanden prelaten en̄ vanden noderſcapen̄ vander ſtadt van vtrecht en̄ van allen den anderen ſteden.¶ Inden jaer ons heren M ccc en̄ xcv vernam biſcop frederic dattet alinghe lantvan drenthe mitter ſtede en̄ borch van coevoerden in voertijts verſet was voer eenſeker ſomme van ghelde Die een die van coevoerden hiet den ſticht daer op gelenthad en̄ ſoude daer heer off weſen ter tijt toe dat hi ſijn ghelt weder hadde en̄ andereen had hi gheen recht tot coevoerden Deſe biſcop frederick dede die brieuen ſoekenalſo dat dien properen principael brieff wert gheuonden Ende die brieff hield pro-perlijck in tot allen tijden wanneer dat ſticht die van coevoerden ſijn ghelt wederAnno dn̄Biſcoppenvan vtrech.RegierderMijᶜ xcijiFrederichvanFxxx jaergauen dat hi dan willichlick ende goedertierlic dieſtede mitter borch van coevoerden En̄ alle dat lantweder rumen en̄ ouergheuen ſoude den biſcop vanvtrecht ind̓ tijt want hi anders aen coeverden nijten hadde dan als een caſteleyn inden naem vandenheer ter tijt toe dat hi ſijn ghelt weder hadde en̄ nijlangher. Biſcop frederick die dede veruolghen aen die van coevoerden mitten brieue en̄ mitten ghelde om hem te betalen en̄ was daer mede ouerbodich Mer die vancoevoerden en wouts nijt rumen noch ouergheuen Ende doet die biſcop mit gun-ſten nijt ouer crighen en mocht. doe toech die biſcop mit machten en̄ beſat die ſtedeen̄ die borch al om en̄ bleeff daer voer legghen mit ontwonden bannieren En̄ desjoncheren maghen vā coevoerden als ghijſbert van bronchorſt heer van borckel enghijſbert van bronchorſt ſoen tot batenborch en̄ meer and̓ worden des biſcops vyanden en̄ veruolghede aen hertoch willam van ghelre om helpe Die hertoch haddergheern tot dedinghe ghebrocht Mer die biſcop en woude aen gheen dedinghe hi enwoude coeuoerden hebben dat hem mit gods recht toebehoerde Doe wert hertoch wi-lam toernich en̄ dede den biſcop op ſegghen ſijn leen dat hi van hem hielt Ende manſcap en̄ vrienſcap die ſi te ſamen ghehadt hadden.