CC lxviEnde biſcop johan quam in ſijn ſtadt Ende hi ſprack mitten heer van bemont diegreue willams oem was Ende maecten een ſoen in deſer manieren Als dat vᶜ borghers quamen oetmoedeliken vter ſtadt voer des greues tente en̄ daelde voer hemneder op horen knyen ende baden om verghiffeniſſe ende voert tot horen twee ſe-ghen. ende maecten enē vrede duerende tot ſijnte martijns dach toe in die winterEnde binnen deſe vrede ſouden ſi hoer ſegghen wt ſegghen ende dat ſegghen verclaten dat nijt en gheſchiede oumits dat die greue willam voer in oeſt vrieſlant dierhi doot bleeff binnen deſer tijt Ende die greef ruumde vander ſtadt op ſinte mariāmagdalenen auont Waer om men noch alle jaer des anderen daghes na ſinte maien magdalenen dach generael proceſſie mitten heylighen ſacrament en̄ veel weer-dich heylichdoms buten al om die ſtadt draghet mit ſolemnyteyt ende mit ſanghetloue dat god die ſtadt behoede ende voert behoedē moet voer allen plaghen End̓eals greue willam vand̓ ſtadt ghetoghen was daer na ſo toech hi mit groter machtop die vrieſen daer hi mit menighe edel man verſlaghen wert dat groot ſcade wasInden jaer M ccc ende xlvi opten xiij dach in februario ouerdroech biſcopſam mit ſijn lande ende ſtede van ouer yſel dat ſi hem hulpe deden mit ghelde daer hijtlant van ouer yſel mede loſſede dat biſcop iohan vā dieſt in voer tijden den greuevan ghelre te pande had gheſet Ende gaff daer voer ſoᵐ. gulden reael Ende loſſededie Brienen.Inden jaer ons heren M iijᶜ lxij in Ianuario op ſinte marcellus dach waſt eenalte grote ſtorm van wijnde die altē grote ſcade dede Want hij dede veel huſen ned̓vallen ende kercken en̄ toernen Ende veel luden verdrencten die bi der zee woen-den ende gheſeten waren bi den reuieren ende veel ſcepen verdoruen mede ſo dat nie-ment en had horen ſegghen van alſulcken ſtorm.Inden jaer ons heren Miijᶜ lxiij opten xiiij dach in Aprill die paeus vrban-die vijfte alſoe ghenoemt die verſettede den biſcop Engibert vander merc van ludick tot colen Ende biſcop johan van Arckel verſette hij van vtrecht tot ludickEnde biſcop johan van verrenberch verſette hi van monſter tot vtrecht Ende de-ſe goede biſcop iohan van arckel die had dat biſdom van vtrecht berecht xxij iaerlant mit groten arbeyde mit groten oerloge en̄ mit groter ſorgen eer hij des ſtichtsſloten ende landen vryede vander groter ſcout die biſcop iohan van dieſtal verſtehade.