CC xxixVan rogier greue van marſche.Rogier greue van marſche had twee ſonen en̄ twee dochteren die eerſte ſoen hietamundus en̄ was greue van marſche na den vader en̄ hi ſtarff ſonder kinder En̄deſe vermat hem te weſen recht erfghenaem vand̓ croen van enghelant na coninckaflaerts doot om dat hi van deſe philippa voerghenoemt ghecomen was. die and̓ſoen hiet oeck rogier en̄ ſtarf ſonder kinder Die eerſte dochter van rogier greue vanmarſche hiet anna en̄ had te man ritſaert die greue was van cantelbrige des herteghen edmundus ſoen van jorcke Ende daer wan ſi bi ritſaert hertoch van jorcke.ende ritſaert wan voert eduaerdus diemen coninck van enghelant ghemaect heeftEnde die ander dochter van marſche hiet alienora en̄ had den greef van deuomieren̄ ſi ſtarff ſonder kinder.Noch van leonellus hertoch van clarence.Deſe leonellus hertoch van clarens die had na een ander wijff en̄ was des herſen dochter van meylanen mer hi en creech daer oeck gheen kinder bi Ende deſeNoch leonellus ſtarff wel viij jaer voer coninck eduaert ſinen vader Ende alsdoot was ſo nam coninck eduaert ſijn vader dat hertochdom van clarens wederthoue aen hem ſeluen Ende alle leonellus ander goeden dat deylde die coninck eduvaert en̄ gaft anderen princen En̄ ritſaert die na coninck eduaert coninck wertdie hielt dat hertochdom oeck aen hem Ende heynrick greue van derby die na ritſaert coninc was die hield dat hertochdom van clarens oeck aen hem Aengheſienwant hi gaft thomas ſinen outſten ſoen op een na Aldus ſoblijctet openbaer dathertoch leonellus gheen kind̓ after en liet want ſijn vader coninc eduaerdo boerdeſij eruen Ende had deſe philippa ſijn dochter gheweeſt ſo had alle leonellus heerlic;heyt op hoer moeten comen Mer men ſal nerghent waerachtelic vijnden in ghenercronijcken off hantveſten of ſeker bewÿs dat deſe philippa off mortymer hoer manoff rogier hoer ſoen yet nader croen gheſtaen hebben off gheeyſcht hebben mit rechtoff mit gheuoeghe off mit macht off in hoer tytel hem off gheſcreuen hebben te weſenrechte erfghenaem vanden hertoch leonellus Ende in des conincks cancelrijde vanenghelant iſt openbaer gheweeſt ouer langhe jaren daer alle dinghen beſcreuen ghe-legghen heeft dat den rijck aen gaet Mer ſint ſijn ſommighe ghecomen ind̓ cancelrijdeen hebben daer wt ghenomen en̄ doen verbarnen dat hem gheliefde.
Druckschrift
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Entstehung
Seite
CCXXVIIIr
Einzelbild herunterladen
verfügbare Breiten