Van eduaerdus prince van waels des conincks eerſte ſoen.Anno dm̄coningen vāEnghelantRegnierden¶ Eduaerdus prince van waels was coninck eduaerdus die d̓de ſijn eerſte ſoenhi was een alten vromen prince en̄ hi ſtreet te poytiers teghen coninc jan vā vrantrijck en̄ wan den ſtrijt en̄ venck coninck jan en̄ ſchatte hem of ij milium gouts Enhi venck oeck den coninck van ſchottlant en̄ ſchatte hem oeck off een milium goutesen̄ wan groot goet En̄ hi dede der cronen van enghelant veel. eeren en̄ vromicheytEnde dat dede hi al doe hi prince van waelgwas en̄ die coninck ſijn vader noch inleuende liue was Want coninck eduaert ſijn vader die leuede alſo lanck datter invan ſinen vij ſonen voer hem doot waren en̄ datter mer d̓rie off en leuede Als her-toch jan van lancaſter die doe die outſte was en̄ hertoch edmont van jorcke endehertoch thomas vā clouceſter En̄ deſe prince van waels eduaerdus voergenoemthad enen ſoen en̄ was jonck die ritſaer hiet En̄ om dat hi aldus veel vronicheden̄ eeren voer die croen ghedaen heeft ſo heeft die coninc ſijn vader mitten perlementbelieft al waert dat deſe prince van waels ſtorue eer die coninck ſijn vader ſtorueſo ſoude die jonghe ritſaert des princen ſoen vā waels coninc weſen na des conicedoot Ende dit heeft hertoech jan van lancaſter mede belieft want die croen ſoudeanders op hem ghecomen hebben Ende oeck ſo heeftet hertoch edmont ende hertochthomas oeck belieft Ende na dat dit aldus ghemaect was ſo ſtarf deſe prince vanwaels eer die coninck ſijn vader ſtarff.Van wilhelmus des coninck anderde ſoen.Die ander ſoen van coninck eduaerdus die hiet wilhelmus van hertſcher vlden̄ deſe ſtarff ſonder kinder eer ſijn vader ſtarff.Van leonellus des conincks derde ſoen.Die derde ſoen van coninck eduaerdus die hiet leonellus hertoch van claren-deſe had een wijff en̄ hiet vltonie en̄ was des greuen dochter van wltuer Ende alsdie oude cronijcken vā enghelant bewijſen ſo leefde deſe hertochinne leonellus wijffin ouerſpul heymelick mit enen die hiet jacob andelay. en̄ ſi creech een dochter hietphilippa. en̄ doe dit wt brack van deſen ouerſpul doe wert deſe hertochinne ghelienen en̄ mitter dochter gheſeynt in hierlant en̄ die moeder ſtarf en̄ dat greffſchap vanvulſter was op hoer beſtoruen en̄ dat beſtarff op philippa hoer dochter Ende dena nam deſe philippa een man en̄ hiet edmondus mortymer en̄ was rogier morty-mers ſoen en̄ wert greue van marſche. ende deſe edmondus mortymer die man bideſe philippa enen ſoen en̄ hiet rogier greue van marſche.