CCC xxvi¶ Greue egbert vander mercke die meende hi ſoude greue van cleue weſen wantſijn moed̓ leuede noch en̄ was greue dircs enighe dochter van cleue daer gue iohandem of was ende was een broeders dochter van greue ian en̄ daer was hi een ſoeroff en̄ meende des broeders kinder ſouden gaen in den keyſer recht voer der ſuſterkinder ende hi had veel vrienden te cleue En̄ heer Adolph ſijn broeder elect van cō-len die quam int lant van cleue vluſſche en̄ hi wert te cleue in ghelaten ende creechdat caſteel ende die ſtadt in.Heer ot van arckel meende hi ſoude greue vā cleue weſen want ſijn moeder alwas ſi doot ſi was greue otten ſijn enighe dochter van cleeff daer greef ian oec oemof was en̄ greef ot was een oud̓ broed̓ dan greef dirc was mer ſijn moed̓ was dootDie van clef mitten meeſten deel vanden udderſcap en̄ ſteden die en wouden dievan perwijſſ nijt hebben noch oeck die van arckel en̄ ſi en hadden oeck greue entbert nijt alte gheern ghehadt. mer ſi hadden hem lieuer dan perwijſſ of arckel Merſi begheerden te hebben ende te houden heer Adolph den elect van colen en̄ van munſtter want hij noch nijt ghewijd en was en̄ eē ſeer lief ghetal en̄ ghemint man wasalſo verre als hi ſijn biſdom ouer gheuen wilde.Ende als greue engbert vander mercke ende heer ot van arckel dit vernamedat ſi nijt hebben en ſouden ſo vielen ſi beyde mit heer Adolph den elect toe tegen per-wijſ Ende heer Adolph creech dat heel lant van cleue ſloten ende ſteden in. ſond̓ datperwijs in hadde En̄ heer adolph gaf ſijn electie vanden biſdom van colen ende vāmunſter ouer bi des paeus conſent en̄ des geſtichts en̄ reſingnierdet ouer heer engBert vander mercke ſinen oem die biſcop tot ludick was En̄ heer ian vā arckelBiſcop tot vtrecht heer otten halfbroeder van arckel die wert biſcop van ludick.Ende heer adolph als hi ſyn electie vanden biſdom beyde ouer ghegheuen haddeſo ſeyde hi ter ſtont aen den keyſer kaerl van bemen ende liet hem geuen ende verleden dat greeffſcap van cleue tot enen goeden leen onuerſterfflick Ende doe werthi ghehult ende ontfanghen gheweldich heer ende greue van cleue Ende heer of vāarckel die had een ſomme van penninghen voer dat hi quijt ſcout ſijn toe ſegghenvanden lande van cleue Ende vrouwe iohanna van brabant die dedinghede daerna tuſſchen deſen greue adolph van cleue en̄ den heer van perwijs Als dat die heervan perwijs die had oeck een ſomme van penninghen en̄ hi gaff ouer cranenborchende all dat hi in hadde int lant van cleue Ende hi gaff mede ouer alle recht en̄ toeſegghen dat hi totten lande van cleue mochte hebben En̄ aldus wert greue adolphgreue van cleue ende daer na ſterff greue en̄gbert vander mercke ſijn broeder ſond̓kijnder Ende greue Adolph wert mede greue vander mercke.