CCC xix¶Ende als die greuinne ſophia doot was ſoe nam greue reynolt een ander wijfen hiet allenora en̄ was coninck eduwaerts vā enghelant den d̓den aſſo ghenoemtſijn dochter Ende hoer moeder die coninghinne die was greeff willems dochter vāhollant Ende als hi deſe dochter van enghelant hadde ſo quam op een tijt die key-ſer lodewijck vā beyeren hertoch aelbrechts vad̓ van hollant die quam tot vranc-keuoert Ende coninck eduwaert van enghelant die dede den keyſer lodewijck bid-den dat hi greue reynolt van ghelre ſinen ſwagher hertoch maken woude.¶ Ende die keyſer lodewijck die oncboet greue willem van hollant ſinen ſwagherder keyſerinnen broeder en̄ greue reynolt van ghelre en̄ greue willem van gulickte vranckeuoert bi hem te comen en̄ dat hiſe alle drie hertoghen maken woude Greue willem vā hollant die had twee reyſen mit machten op die heyden gheweeſt ſtrij-den En̄ hi was nv al bereyt derde werff op die heyden te trecken om te ſtrijden mitden duytſchen h̓eren vā pruſen teghen die heyden Ende hi was op die reyſe als hendeſe tidinghe quā Mer hi en woude ſijn goede opſet nijt after laten en̄ toech voertop die heyden daer hi veel eeren behaelde op gods vyanden en̄ toech voert ten heyl-ghen graue.Ende greeff reynolt van ghelre en̄ greue willem vā gulick die toghen tot vranckeuoert bi den keyſer lodewijck En̄ die maecte daer van gulick en̄ van ghelre elcheen hertochdom Ende aldus ſo wert die greue reynolt ghemaect die eerſte hertochvan ghelre int jaer M ccc xxxix.¶ Ende deſe hertoch reynolt die crech bi alienora van enghelant ſijnre hertochinne twee ſonen Die outſte hiet reynolt en̄ die ander hiet eduwaert.Ende deſe hertoch reynolt ſundierde ende ſtichte een carthuſer cloeſter bi aern-hem dat monichuſen hiet Ende alienora die hertochinne die ſtichte en̄ fundierde tedeuenter een minrebroeder cloeſter.¶ Deſe hertoch reynolſt die edel prince ſtarff int jaer M ccc xlij op die iij ydusvan october en̄ wert begrauen int cloeſter tot des greuen dael Ende alienora diehertochinne die ſtarff daer na int jaer ons heren M ccclv op ſinte georgiq auonten̄ wert begrauen bi horen man.
Druckschrift
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Entstehung
Seite
CCCXIXr
Einzelbild herunterladen
verfügbare Breiten