CCC xvijReynoldus die eerſte alſoe ghenoemt greeff ocken ſoen was die vij grue vanghelre en̄ van zutpheen lv jaer lanck Hi had twee wijfs Dat eerſte wijff hiet arm-haert en̄ was des hertoghen walrauens dochter van limborch ende ſi ſtarff ſonderkinder mit jaer M cc en̄ xc op die iiij ydus van junius en̄ wert begrauen tot desgreuen dael.Ende ſijn ander wijf hiet margit en̄ was des greuen ghyen dochter van vlaenderen Ende daer wan hi bi drie ſonen en̄ een dochter Die eerſte ſoen hiet reynolt en̄wert greue na den vader en̄ wert die eerſte hertoch van ghelre ghemaect Die anderſoen hiet gwido Die derde ſoen hiet philipps Ende die dochter hiet yſabeel en̄ waseen nonne tot ſinte claren tot colen.Mijᶜ lxxreynold.by jaer¶ Deſe greue reynolt die crech dan rdoiphus den woenſchen coninck dat hi muntte mocht ſlaen in ſinen lande van ghelte tot drien plaetzen Als tot aernhem tot remunde en̄ tot herderwijck Ende dit gaff ende confirmierde coninck rodolphus intjaer ons heren M cc en̄ xc.¶ deſe greue reynolt die wert gheuanghen van rynolt ſinen ſoen en̄ wert in ſe-keren hoeden ghehouden een wijl tijts Ende dit gheſchiede int jaer M ccc en̄ xx.Int jaer ons heren M ecc xxi ſtarff margriet van vlaenderen greuinne vā ghelEnde wert begrauen tot des greuen dael int cloeſter Ende deſe margriet die ſtichteder predicaren oerden cloeſter in zutpheen.Int jaer ons heren M ecc xxvi op ſinde dyoniſius dach ſtarff gref rynolervan ghelre en̄ wert begrauen tot des greuen dael int cloeſter teynden den voet vanſijns vaders graft.