Druckschrift 
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Seite
CCCIXv
Einzelbild herunterladen
 

Anno dn̄Graue vanhollantRegierdenom volck ende hulpe om bi hem tot gorchem te comen en̄ hi toech binnē gorthenDie vorſtinne vron iacob die verdroet dit ſeer van die van arckel en̄ van egmō;de ende woude hoer vrienden die opt ſlot laghen ontſetten ende vergaderde grootvolck wt hollant ende wt zeelant Ende die ſtadt van vtrecht ende van Amerſ-foerde die dienden hoer mede. ende mit allen deſen heeren ende ridderſcap ende volcdat ſij doe vergadert had ſo toech ſi ſeluer mede voer gorchemi om hoer vrenden teontſetten ende quam op dat ſlot mit horen ridderſcap doer die water poert die aentſlot ſtont aen die merwen ſijde Die ſtadt van vtrecht ende vā amerſfoerde die noch inden ſcepen waren brakedie water poert op groter ende wijder dan ſi was ende braken noch een gat indermueren daer ſi ruum mitten volck doer mochten en̄ quamen alſo binnē dat noch-tan wonder was Want die joncheer vā arckel had doe wel binnen gorchem xxxvhondert goeder ghewapent Ende die joncheer van arckel had een graft doen gra-uen inder ſtede tuſſchen dat ſlot ende der ſtede om dat ſi hem vanden ſloet nijt lichtelick oueruallen en ſouden. Mer der vorſtinnen volck mitter ſtadt van vtrecht en̄ van amerſfoerde tradenvluſſche vāden ſloet ende ouer die graue mit ontwonden bannieren ende woudenter ſtede wert in aen die luden ſtoutelick Die joncheer van arckel ſtont mit ſinehoep in een ſtraet tegens dat huus mit ontwonden bannieren en̄ ſaghen dat volckouer die grauen comen ende der vorſtinnen volck tradt ſtoutelick aen totten ludeAls die joncheer van arckel dat ſach tradt hi ſtoutelick mit ſinen volck aen hiteghen en̄ wert manlick ende ſtoutelick aen beyden ſiden gheſtreden dat ſeer ſwaerwas ende daer wert ſeer ghedronghen ten laetſten dat ſom van des jonckeren volckdie achter waren bogonden te wijcken ende veel ghinc daer lopen Ende der vorſtin-nen vrienden wonnen den ſtrijt En̄ daer bleef doot aen die arckelſche ſide die joncheer van arckel die doe ridder gheſlaghen was die ioncheer van peterſom ioncheerott van bueren ende menich edel ende onedel man Ende daer worden gheuanghendie greue van verrenborch ioncheer Alaert van bueren die heer van egmonde dieheer van milindonc die greue vā vborghen die heer van poyroyen. heer heinrick vāhomoet. die voecht van waelſdorp. heer dirck vā lienden. heer willē vā yſendoernheer aernt van oerdinghen ende heer raes ſijn broder. heer aernt van traenheytheer dirck van hemmen. heer aernt van caler. die ioncker vā batenborch die ionc-heer van aerſlet ot van bueren Aernt van egmonde. iohan van heteren. iohan vaneyn. ende daer toe menich edel en̄ onedel man die hier nijt allghenoemt en ſijn totduſent toe. ende oeck bleef daer aen die arckelſche ſide ouer duſent doot Ende vā-der vorſtinnen ſide bleef doot ioncker walrauen van brederode die doe ridder gheſlaghen was daer die vorſtinne veel aen verloes ende dat gheſchiede bi verſumemſe van ſijn ſelfs knechten En̄ deſe ſtrijt gheſchiede int jaer ons heren Miijᶜ. ende