CCC viItem die heer van arckel had langhe treſerier van hollant gheweeſt en̄ had her-toch aelbrecht alte mael regiert Ende hi en had ī menighen tijden hertoch aelbrechtgheen rekenſcap ghedaen Ten leſten woude hertoch aelbrecht rekenſcap hebben en̄die heer van arckel en woude gheen rekenſcap doen alſo langhe als daer ſommighein hertoch aelbrechts met waren die hi daer wt hebben woude Doe liet hertoch ael-brecht alle des heren goede van arckel waermenſe wiſt toe ſlaen. Doe ghinck dieheer van arckel en̄ droech die heerlicheyt van arckel op den abt van ſinte marienweerde en̄ meende hi wout van hem te leen houden daer die heer van arckel qualicop beſonnen was want gorkom en̄ dat lant van arckel hollants bodem was endehollants leen was en̄ hollant toe behoert hadde eert ye heer van arckel creech wanthet had den greue van benthen toe ghehoert diet mit hilick van hollant creghen endedaer coftet die heer van arckel teghen.¶ Int ſeluer jaer corts daer na dat die heer van arckel ontſeyt hadde quam her:toch aelbrecht ende hertoch willem ſijn ſoen greue van oeſteruant doe dat koern opſijn ſchoenſte ſtont en̄ verſochten den heer van arckel mit roue en̄ mit brande endeverderfden dat ſchoenſte koern en̄ verderfden dat lant van arckel alte ſeer.Int jaer M cccc en̄ twee vergaderden die grote vorſten hertoch aelbrecht vanbeyeren en̄ hertoch willem ſijn ſoen en̄ greue adolff van cleue en̄ vander marck mitveel ridderen en̄ knechten en̄ ſteden wt hollant. zeelant. mitter ſtadt van vtrecht. ētoghen omtrent ſinte janſſ dach mid zomer voer gorkom ende belaghen dat huusen̄ ſede daer die heer van arckel ſeluer binnen was daer ſeer vreſelick aen beydenſyden gheſtreden wert en̄ dat huus wert ſeer verderfft mit ſchieten dat nochtan dieſchoenſte en̄ ſtarcſte borch was diemen ſeyt dat beneden colen ſtont.Ende die van binnen gorkom quamen bi wijlen wt der ſtede en̄ op een tijt ven-ghen ſi die joncheer van brederode die die van dordrecht te baten quam doe hiſe inlaſt ſach Ende op een ander reyſe venghen ſi heer florens van borſelen en̄ veel and̓goeder lude Dit belegghe duerde xxij weken lanck Ende hertoch jan van beyerenelect tot ludyck die dedinghet ende hertoch aelbrechts bannier ſtack op thuus wtwantet hem op ghegheuen was Mer die van arckel ſoude daer op bliuen.Int jaer M cccc iiij op ſinte lucien dach ſtarff die moghende prince hertoch aelbrecht van beyeren greue van hollant. zeelant. henegouwen. en̄ heer van vrieſlantis leyt inden haghe begrauen inder capelle opt hoff Ende hi regnierde ſo ruwaert ſorecht heer xlvi jaer Ende vrou margriet van Bry ſijn eerſte wijff leyt oeck inder ſel-uer capelle begrauen Ende vrou margriet ſijn and̓ wijff leyt ten jacopinen int cloeſtr inden haghe begrauen.