CCC iijInden jaer ons heren M ccc en̄. l. als hertoch willem aldus in beyeren was en̄die keyſerinne bleeff in henegouwen ſo reſen twee parthyen in hollant onder den heren daer den ghemenen luden groot ongheual off ghecomen is Die een parthye diebit die cabbelyaus daer die ouerſte off waren die heer van arckel die heer van egmonde en̄ heer gherijt van heemſkerck en̄ meer ander ridder en̄ knechten Die and̓parthe bidmen die hoecks daer die ouerſte off waren die heer van brederoden dieheer vander lecke die heer van binchorſt en̄ veel ander ridderen ende knechten Deſepartbyen die ſtichten in hollant roeff en̄ brant en̄ venghen en̄ ſloeghen elck den an-deren dat daer te voren in hollant nye gheſien en was.¶ Die cabbelyaus parthye die ontboden en̄ ſcreuen al heymelick aen hertoch willen dat hi quaem en̄ naem hollant weder in ſinen handen al had hijt ſijnre moederdie ruwaertſcap quijt gheſcouden ſi ſoudent hem mit machten wel helpen houden alſo dat ſi ſo menighe bode ſeynde als dat hi al heymelick tot gorkom is gecomen.¶ Daer toghen die van delft en̄ ander ſteden wt en̄ haelden hertoch willem in daerdie ſommighe hoer wil ſeer mede dreuen en̄ daer wert hi ontfanghen en̄ ghehult inallen ſteden van hollant zeelant en̄ vrieſlant bouen der huldinghe diemen der keyſrinnen ghedaen hadde en̄ ſi noch leefde.¶ Ende als die hoecks parthye dit ſaghen ſo toghen ſi totter keyſcrinnen in hene-gouwen en̄ claechden horen noot Doe ouerdroeghen die cabbelyaus mitten ſtedenſom in hollant en̄ beſetten der hoeckſſen caſtelen en̄ worpenſe al neder want ſi had-den den heer tot horen wille.¶ Die keyſerinne die dit ſeer toernde die oncboet hertoch willem horen ſoen horenouelen moet waer om hi hem onderwant hoer heerlicheyt Hertoch willem ontboethoer weder dat die heerlicheyt en̄ landen ſijn waren ende ſtreet hoer aen dat ſiſe hemouer ghegheuen hadde mit zeghel en̄ brieuen.Daer quamt ſo verre dat die moeder en̄ dat kijnt leyden malcanderen dach omte ſtrijden om die heerlicheyt vā hollant Die keyſerinne brocht mit hoer ī hoer bulpeveel groter heren en̄ goeder lude wt henegouwen en̄ wt enghelant die hoer ſuſterdie coninghinne vā enghelant haer gheſeynt hadde Ende ſi quam mit al dit volckte ſcepe om in hollant te weſen en̄ quam ind̓ maſen tuſſchen den briel en̄ des grauenſande Daer teghen quam hertoch willem teghen ſijn moeder mitten noertholland̓skermarlanders weſtvrieſen en̄ waterlanders en̄ wt zeelant vrouwe mechtelt vanvoern mit hoer hulpers Ende daer wert een ſtrijt ſo groot en̄ ſo ſwaer en̄ bitter dattet langhe in die waech ſcale hinck om die ouerhant te crighen ſo dattet int leſte verloes die keyſerinne den ſtrijt Ende daer bleeffer ſo veel verſlaghen en̄ verdronckendat twee ghetijden lanc die maſe root was vanden bloede Ende die keyſerinne diedede hoer ſeyl op trecken en̄ voer in enghelant Ende in deſen ſtrijde ſoe bleuen veeledel mannen en̄ goeder lude doot meeſt wt enghelant en̄ oeck wt henegouwen