¶ Greue willem van hollant als hi dit voer waer hoerde dat die coninck vā daerghetoghen was ſo verbrande hi alle die dorpen die bi der riuier ſtonden en̄ toech we-der in hollant ongheſchaeyt.¶ Greeff willem als biſcop ghye ſijn oem doot was ſoe nam hi in ſijnre machtendie heerlicheyt van woerden en̄ van aemſtel en̄ dwancſe aen hollant en̄ ſette daerſijn baelyuwen en̄ ſijn ſcouten en̄ ſeyde dat die twee heerlicheyden den biſcop ſinenoem ghegheuen waren voer ſijns vaders erue en̄ dat ſi nijt recht van die verradersvan uemſtel en̄ van woerden aen hollant ghecomen waren.¶ Int jaer M ccc xxviij quam coninck philips van vrancrijck mit groter hecracht neder in die greeffſcap van vlaenderen Ende in ſijn hulpe quam deſe greefwillem van hollant die ſijn tenten gheboet te ſetten bi caſſelberghe Ende off hi vandaer tuſſchen dedinghen mocht na ſijnre ghewoenten aen beyden parthyen vrede offſoen.Anno dn̄Grauenvan hollantRegnierden¶ Die vlaminghen haeſten hem ſeer vanden berghe neder te comen en̄ meende denconinck onuerhoets in ſijn tente doot te ſlaen Ende als greue willem dat vernamſo haeſte hi hem om dit verwoede volck mit ſtrijden te ghemoeten en̄ ſonder merenEnde die coninck mitten ſinen ende greeff willem mitten ſinen quamen ghelick aenen̄ daer wert anptelick ſeer ghevochten Ende greeff willem wert van ſinen peerdegheſlaghen daer hem ſijn heren truwelick bi ſtonden en̄ beſcudden ſijn lijff manlichAls heer dirck heer van Brederode. heer jan heer van arckel. heer alaert heer van egmonde. heer philips heer vā waſſenaer. heer jan heer vā haemſteden. heer aernt heervan cruninghen. heer jan heer van pallanen. en̄ heer willem van duuoerde en̄ meerander die om hem en̄ bi hem waren Ende die vlaminghen verloren den ſtrijt Endedaer bleuen meer dan viᵐ vlaminghen doot en̄ veel gheuanghen die nijt e wech econden comen En̄ joncheer willem van hollant greeff willems ſoen wert daer vanden coninck ridder gheſlaghen.Int jaer ons heren Mᵗ ccc xxxvi op die vij ydus van junius starf deſe devorſt greue willem en̄ wert mit groter wtuaert begrauen tot valencijn in henegouwen Ende vrouwe johanna ſijn wijff die begaf die werlt daer na en̄ ghinck in eengheeſtelick nonne cloeſter van ſinte bernaerdus oerde gheheten fontanelis Ende ſiſtarff daer int jaer M ccc xlij en̄ wert daer eerſamelick begrauen.
Druckschrift
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Entstehung
Seite
CCCv
Einzelbild herunterladen
verfügbare Breiten