¶ Mer doe die vlaminghen ſaghen dat joncheer willem quam mit ſoe groten heevan volck en̄ van ſchepen doe was die wijnt zuyt weſt Ende doe maecten die vla-minghen een groot ſcip toe dat ſi ſpecten mit ſtroey mit pecke mit olye mit terre en̄mit ſulphur en̄ ontſtakent en̄ meenden alſo joncheer willems heer te ſcheynden ſonder weer Mer god die alle herten kent en laet gheen recht int eynde verloren Endeals des volck en̄ joncheer willems ſchepe bi een quamen op ſinte louwerens dachſo ontſtaken die vlaminghen hoer ſcip en̄ lietent mitten ſtroem en̄ mitten wijnde deuen tot joncheer willems ſchepen wert Ende alſt wel begonde te bernen ſo ginc diewijnt om int noert oeſt en̄ dat bernende ſcip dreef teghen die vlamingen danck onder hoer ſelfs ſchepen daer ſi alte groten ſchade off hadden ſoe dat ſi nerghent duerenen mochten en̄ ſprongen ouer boert en̄ verdrencten menich hondert Ende mit deſewonderliker auentuer ſo creghen die hollanders mitten franſſoyſen ſo groten moette vechten en̄ toghen tot hem in Ende daer reeſt een grote verueerlike ſtrijt ende dievlamingen weerden hem alte vromeliken enen haluen dach en̄ enen helen nacht Endat gheruft was ſo groot vanden vechten datment beſceydelick hoerde ouer drie milen.Anno dn̄Grauenvan hollantRegnierden¶ Ende ten leſten worden die vlaminghen ſo ſeer vermoyt dat ſi den ſtrijt verlorenende joncheer willem van hollant die veng int leſt vanden ſtrijde greeff ghye vanvlaenderen en̄ gaff hem den ammyrael van vranckrijck voer ſijn ſchade die hi ghe-leden hadde Mer die ammyrael die gaffen weder den eerſamen vader biſcop ghevan vtrecht die in vlaenderen gheuanghen lach en̄ dat was den enen ghyde om denanderen Ende in deſen ſtrijde bleuen doot x duſent vlaminghen en̄ ontallicke veelhondert werter gheuanghen en̄ duſent en̄ hondert ſchepen en̄ xc pauwelyoenen lieten ſi daer Ende dit gheſchiede int jaer ons heren M ccc en̄ uij op ſinte louwerenedach.Ende men ſach tot egmonde inder lucht een groot woetachtich cruys op die ſel-ue tijt datmen aldus ſtreet.Ende heer johan van reneſſe die quam vten ſtrijde heymelick e wech ende quambinnen vtrecht daer hem die hollanders na volchden en̄ bernden die molen tutrechtvoer die poert en̄ meenden dat heer jan van reneſſe wt comen ſoude Mer heer jandie toech heymelick mitten ſinen vter ſtadt en̄ van anxt van ſinen vyanden ſo ſou-de hi ouer die lecke haeſtelick varen en̄ was in een cleyn ſcheepkijn en̄ hoerre waſſerde veel en̄ dat ſcheepken ghinck te gronde ende heer jan van reneſſe mitten ſinen verdrencten en̄ wert na gheuiſt en̄ begrauen.