dalff hondert kinder ende xiiij tot eenre dracht Ende biſcop otte van vtrecht hoeroem die deedſe alle kerſten Ende deſe kinderkijns worden alle ghedoep in beckeneEnde alſo vroech als ſi ghekorſtent waren ſo ſtoruen ſi alle gader Ende deſe kind̓ekijns had ſi om dat ſi ſach een arm wijfkijn die ij kinder kijns had tot eenre drachtDoe ſeyde die vrouwe dattet nijt weſen en mocht dat een wijff bi enen man tot eenre dracht twee kind̓ ſoude ter werlt brenghen daer dit arm wijfkijn ſeer droeuichom was Ende ſi bat god oft moghelick mocht weſen dat hi der greuinne wilde verlenen alſo veel kinder als daghe int jaer comen en̄ dat gheſchiede.Deſe vrome greue Florens die in allen tornoyen die prijs plach te hebben wertdoot gheſlaghen vanden greue vā cleermont daer hi hem nijt en huede waer om diegreue van cleue ſloech rechteuoert den greue van cleermont mitter hant doot op dieſeluer baen Dit gheſchiede te corby op die xiiij kalende van auguſto Sijn lichaemwert ghebalſemt en̄ ghebrocht in hollant daert mit groten rouwen begrauen wer-tot reynſborch int cloeſter. Ende mechtelt die edel greuinne ſijn wijff ſtarf daerna int jaer M cc lxxij en̄ wert begrauen tot loeſdunen int cloeſter dat ſi ſeluer gheſticht hadde. Ende die greuinne vā hennenberch die alle die kind̓ had die ſtarfdaer na M cc lxxvij en̄ ſ leytoeck tot loeſdunen begrauen.Anno dn̄Grauenvan hollantRegnierdenMijᶜ gevinWillem.xxi jaerWillem die anderde alſo ghenoemt greue Florens ſoen was die xiij greue vanhollan van zeelant en̄ heer van vrieſlant xxi jaer Ende hi nam te wiue een ſchoenmaghet die elyzabeth hiet en̄ was des hertoghen dochter van bruynſwijcke Endedaer wan hi enen ſoen bi en̄ hiet florens die na hem greue wert Ende and̓s en hadhi gheen edel kinder Mer hi had baſtaerden.¶ Deſe greue willem en was nijt veel out bouen vij jaer doe ſijn vader doot bleeEnde Biſcop otte vā vtrecht ſijn oem die nam deſe jonghe greeff willem en̄ florensſijn broeder in ſijn bewaerniſſ en̄ beſchermeſſe en̄ regierde hollant mede bi conſentder landen ſeer eerlick en̄ welAls deſe jonghe joncheer willem tot ſinen jaren ghecomen was En̄ die lantgtue van doringhen ſinte Elyzabeths ſoen gheheten heynrick die vij jaer keyſer endroemſch coninck gheweeſt had en̄ gheſtoruen was ſo ſeynde die paeus bi ghemenenrade der cardinalen enen cardinael die petrus hiet van capadocien ten gulden ſelen̄ was dyaken cardinael van ſinte georgius Ende deſen ſeynde die paeus in ger-manien ende vermaende die koervorſten dat ſi van nywes kozen enen romſchenconinck.