CCx lxxijDie eccleſie vanden vijf collegien en̄ vander vier perrochi kercken out en̄ jongvergaderden bi een inden doem Als ſi dit vernamen toghen ſi panſiers en̄ herneſeen om te keeren en̄ doot te bliuen dan menſe alſo ouer vallen ſoude Ende dit ghe-ſchiede inden jaer ons heren M cccc en̄ lv op ſinte pauwels dach conuerſio.Ende als dit die ghemeent van vtrecht vernamen ſo liepen ſi al ghemeenlickebider eccleſie inden doem en̄ ſeyden ſi wouden bider eccleſie leuen en̄ ſteruen wantdat waren die ghene daer ſi alle hoer broet aen wonnen Ende ſi en wouden die hoe-mot banden ghenen die die ſtadt regierden nijt langher lijden die ſi bedreuen En̄die ghemeent die wies ſo groot en̄ ſi ginghen opter plaetze en̄ voer der ſtadt huusdaer die raet op was. en̄ die raet moſt alſulck dinghe vander eccleſie off ſtellen alsſivernamen. en̄ die joncheer van montfoerde die domacht vander eccleſie off ſtellen alsmet quam inden doem int capittel huus bider eccleſie en̄ voer die ghemeent en̄ alledat die ghemeent doe hebben wouden dat moſt die raet conſentieren. en̄ die prelatenmitten borghermeyſters die ghinghen ſtaen opt docſael inden dom en̄ daer riepmenoff hoe alle ding weſen ſoude. en̄ van daer moſten die raet gaen mitten prelaten op-ter ſtadt huus en̄ daer moſtmen mitter clock alle dinck off luden. ende daer laghendie prelaten in hoer religien biden borghermeyſters en̄ raet voer der ſtadt huus en̄daer riepmen off van allen dinghen diemen begheerde voer die ghemeent die daervoerſtont. en̄ daer moſtmen der ſtadt groot ſeghel ontwee ſmiten. en̄ veel dinghendie die ghemeent hebben wouden moſten gheſchieden.Ende deſe ghemeent maecten een ordinancie dat in allen ſtraten gemeenlic daermaecten ſi een becken ſlach. ende alſmen een becken ſloech ſo ſloechmen in allen ſtra-ten die becken en̄ ſo liep elck int herneſſ daer hi gheordineert was. ende daer warenſo op een kort vier off vijff duſent man bi een off meer dat een vreſelick ding wasen̄ ſi ſetten en̄ koren den raet vander ſtadt op een ander manier en̄ ſetten nader ghemeenten ſin.¶ Die eccleſie ontboet heer ghijſbert van brederode den domproeſt van vtrecht dieop die tijt inden haghe was. en̄ die domproeſt quam bi der eccleſie.
Druckschrift
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Entstehung
Seite
CCLXXIIr
Einzelbild herunterladen
verfügbare Breiten