CC lxDie pieus Eugenius gaff den voerſcreuen poſtulaet heer Roeloff van diephoutdat biſdom van vtrecht en̄ gaff hem die confirmacie vanden biſdom Ende hi wertbiſcop ghewijt ende conſacreert te vollenho opt ſloot van beueel des paeus daer biwas die biſcop van minden en̄ die biſcop van oſſenbrugghe en̄ twee ſuffraganenbiſcoppen.Ende biſcop zweder Bleeff int conſilium ende hi ſtarff daer vanden Buuck euelinden jaer ons heren M cccc en̄ xxxiiij en̄ wert tot baſel begrauenAls biſcop zweder gheſtoruen was ſo vergaderde bi een heer peter paſſaert en̄mit hem x of xij canonicken die noch buten vtrecht mitten biſcop ghebleuen warenen̄ die koren joncheer walrauen van muerſſ des biſcops broeder van colen tot eenbiſcop tot vtrecht Ende paeus felix van ſauoeyen en̄ dat conſilium die gauen hendaer off die confirmacie Ende hi hielt ſinen hoeft ſtoel tot dordrecht Ende alle dievan ſijnre parthie waren in hollant in zeelant en̄ in ghelre lant die hielden die gheetlike juriſdictie mit hem menich jaer Mer hi en quam nye inden beſitt vanden biſ-dom want Biſcop roeloff was int beſitt als Biſcop ende had die confirmacie vandenpeus Eugenius.M iiijᶜ xxviihijrodolphus van diephout.xxi jaer¶ Rodolphus des greuen ſoen van diephout die domproeſt tot oſſenbrugghe en̄donheer tot colen eerſt was en̄ poſtulaet des biſdoms van vtrecht eerſt was Deſewas die liij biſcop van vtrecht xxi jaer lanck.Deſe biſcop roeloff had inden eerſten doe hi noch poſtulaet was veel vyandenwant hi had paeus martijn teghens en̄ den hertoch van bourgoengen mit dat meelte deel van hollant en̄ van zeelant teghen en̄ den hertoch van ghelre teghen ende denheer van culenborch en̄ meer ander heren teghen Mer die hertoch vā cleue was ſijnvrient Ende mit allen deſen heren die omtrent ſijn ſticht ſaten ſo wert hi verſoenten̄ wert goet vrient daer mede Ende hielt ſijn ſticht langhe jaren ſonder oerloghenende wert een rijck ontſiende heer Hi verbeterde ſeer des gheſtichts ſloten Hi dededat hoff tutrecht ſchoen vertymmeren Ende dat huus ter horſt en̄ vollenho dede hiſchoen verbeteren Hi dede dat huus te laghe van nywes tymmeren.
Druckschrift
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Entstehung
Seite
CCLXXr
Einzelbild herunterladen
verfügbare Breiten