CC lviijVanden heylighen ſacramente dat tutrecht vter buerkerckeende wt ſinte jacobs kerck gheſtolen wert.Inden ſaer ons heren M C en̄ lxxij wert gheſtolen dat werdighe heylighe ſa-cament wt tween kercken tutrecht Als wt die buerkerck ende wt ſinte jacobskerck En̄ men coſtet nye gheweten wiet ghedaen hadden daer na op die vijfte ydusvan meye quam een ſwaer plaghe van water alſo groot dat die vloet alte hant be-decte die eerde Ende mitten herden ſtroem huſen en̄ bomen neder toech Aſſo dat veelwoeder luden waenden dattet een nywe diluuie ſoude gheweeſt hebben ende dat diewerlt anderwerff ſoude ver droncken hebben En̄ haddet alſo langhe gheduert alſthert van ſtorm was ſonder twiuel die ſtadt van vtrecht en ſoude nijt langhe heb-ben moghen ſtaende bliuen Mer die ontfermherticheyt gods minrede die ſtroem en̄dat water viel binnen drien daghen daer na ſo dattet al merclick weder in die zeekerde Ende alle dorpen die omtrent der zee ſtonden worden verloſt vanden noot.Hoemen tutrecht vaſte en̄ aelmiſſen gaff.¶ Hildebrandus die eerſame abt vā ſinte pauwels tutrecht die dede een ſermoenopten heylighen aſcenſioens dach die daer na quam ende vermaende den ghemenenvolck dat ſi alle gode bidden ſouden en̄ vaſten ende aelmiſſen gheuen ſouden op diegod woude ſinen toern laten ſincken om die u̓ſumeniſſe die daer gheſchiet was aenden heyligen lichaem ons heren iheſu xpriſti dat wt die twe kercken gheſtolen wasof die ſtadt ſoude in corten tijden meer plaghen hebben Die prophecie des eerſamen.vader en bleeff nijt ſonder waerheyt want des ſeluen daghes te veſper tijt ſo werteen groot brant ſo dat onſer vrouwe kerck die Buerkerck hiet verbrande ende datmeſte deel vander ſtadt van vtrecht Waer om godefridus die biſcop die hem ontſach gods toern Ende hi ouerdroech mitter eccleſie en̄ gheboet alle ghelouighe goedemenſchen in alle ſijn ſticht te vaſten op enen ſekeren dach Ende des woenſdaghesnapijnſteren ghinck hi ſeluer mitter eccleſie beruoet en̄ verſocht die heylighe ſtedenmit den ogien Biddende dat god ſinen toern woude laten ſincken en̄ riep die ſanctenaen dat ſi voer ons bidden woudenDeſe biſcop godeftidus tot ſijnre ewigher memorien en̄ ghedenckeniſſe ſoe dedhi tymmeren vier caſtelen den goeden ſinte martijn Als die horſt teghen die graeſcap van ghelre Ende vollenho teghen die heerſcappie van vrieſlant En̄ monifoertteghens die graefſcap van hollant Ende woerden teghens die onghehoerſamicheytſijns volcks Ende dat hi van deſen caſteelen ſijns ſelfs palen beſcudden mocht.It jaer M C lxxviij op die vi kalende van junius ſo ſtarff deſe eerſaem biop godefridus Ende wert mit groter weerdicheyt begrauen inden doem tutrecht.