goet docht en̄ weerdich en̄ nvt docht te weſen Ende in deſen tijden ſo creech die keſerinne een kijnt van ſonderlingher ſchoenre forme Ende ſi ontboet den keyſer dienywe boetſcap bi den prieſter bernulphus Ende die keyſer verblide hem ſeer vandeſer vroliker boetſcap en̄ gaff deſen priſter bernulphus dat biſdom van vtrecht en̄ornamenten en̄ vingherlijn ende ſtaff en̄ wert in ſinen ſtoel gheſet Ende als hi biſ-cop was ſo maecte hi vrede mitten prince van hollant.In deſen tijden ſo ſtichtede die biſcop bernulphus tot ſijnre eewigher ghedenckeniſſe ſijns loues tot vtrecht twee kercken van canoniken. Die een in die eer ſintepeters des apoſtels Ende die ander in die eer ſinte johan baptiſt Ende oeck ſtichtede hi dat collegium en̄ die kerck tot deuenter in eere van ſinte lebuinꝰ des heyligenconfeſſoers ende nam half die canoniken dat xx canoniken waren van ſinte ſaluatoers en̄ ſette die tot deuenter in ſinte lebuijns kerck En̄ die abdye die biſcop anfridus gheſticht had ten heylighen berghe die ſettede hi tutrecht daer hi ſtichtede eencloeſter kerck in die eer van ſinte pauwels apoſtel En̄ deſe eerſame biſcop bernul-phus die ſtarff en̄ voer te gode int jaer ons heren M en̄ liiij op die xiiijkalende vāauguſto Ende wert mit groter weerdicheyt begrauen tot ſinte peters tutrecht.Anno dn̄Biſcopenvan vtrechtRegisterenM liiiwilhelm.xxij jaer¶ In deſen tijden inden jaer ons hren M en̄ lxi op die xiiij kalende vājulius ſo wert greue florens die ſeſ-te greue vā hollant verſlaghen te ha-mert bi hueſden mit veel edelre mā-nen inden velde van ſinen vyanden.¶ Wilhelmus van pont en̄ vand̓ boechdye van ghelre was die xxi biſcop vanvtrecht xxij jaer lanc In was een groetmoedich man en̄ een ſtout vechter DeſeBiſcop had veel oerloghes mitten hertochgodeuaert van lothrijck mitter Buul te-ghen den jonghen joncker dirck van hol-lant en̄ teghen greue robbert van vlaen-deren joncker dircks ſtiefvader van hollant Ende biſcop willam tymmerde eencaſteel tot yſelimunde Ende int jaer onsheren M ende lxxv op die vijfte kalendevan mey ſtarff biſcop willam ende wertmit groter weerdicheit begrauē tutrechtinden doem.
Druckschrift
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Entstehung
Seite
CCLVv
Einzelbild herunterladen
verfügbare Breiten