CC xlviijſen Ende rabbout ghing in ghenade ende mit vorwaerden dat hij kerſten werdenſoude Ende inden ſeluen tijden ſo wert vermaent rulframus die eerſte biſcop vanſnoueren ouermits godlick viſioen dat hi varen ſoude in vrieſlant ende helpen deneerſten biſcop ſinte clement van vtrecht die vrieſen bekeren Ende deſe twee goede biſcopen predicte den vrieſen dat heylighe kerſten gheloue Ende leerden ende onder weſen deſen coninc rabbodus dat hij quam totter vonten daermen hem dopenſoude mit beueynſter innicheyt ende als deſe tyran quam ende ſinen enen voet gheſet hadde int heylighe water ende der heyligher gheloue waer geloefte ſoude doen + doeſeynde hem die vyant in. dat hi vraechde waer dat meeſte deel van ſijn ouders en̄van ſinen vrienden waren off int hemmelrijcke off in die ewighe verdoemeniſſe. dieheylighe biſcop willibrordus antwoerde dat alle vrieſen ende ſijn ouders ende ſijnwerden die nijt ghedoopt en waren. die waren al in die helle verdoemt Ende alsdie coninck dit hoerde ſo toech hi ſinen voet weder na hem wt der heyligher vontēende ſprack ic wil lieuer mit mijn voer vaders der heyden hebben veel gheſelſcapsijder hellen dan mit luttel dijnre armer kerſten te beſitten dat hemmelrijc Al duswert den coninck rabbodus bedroghen Bi des vyants rade ende hij ſterf des derdenvythes daer na ſeer yammerlick En̄ na dat coninck rabbodus doot was ſo wertClemens die willibrordus hiet vrilick laten varen waer hi woude in vrieſlant en̄dat ewangelium openbaerlick mocht prediken ende dat ghelouighe volck mochtdopen Ende nywe ghelouighe te weruen ende prieſteren te wyen ende in allen dorpenkercken te ſtichten Ende daer nae ſo gaff hertoech kaerl marcel voerſcreuen dieeerſte gave der kercken van vtrecht.Van ſnte WillibroerdOp een tijt gheſchiedet dat ſinte wilibroerd quam gheuaren in vrieſlant bi denouer vander zee om ſijn kercken te viſitieren van ſinen biſdom ende ſijn volck hadgroten dorſt ende dat water was zout ende daer en was gheen wijn. des die heyli-ghe vader mede liden had mit ſijn diſcipulen ende liet enen die hem heymelick wasin tenten wt recken. Ende dede daer in een cleyn kuylken grauen doe ghing dieheylighe biſcop in die tente alleen ende bad god innichlick om water ende rechte;voert ſo blopde daer varſch water ghenoch te drincken wt der zouter eerden. endedie ſelue fonteyn is noch in een dorp hiet helo ende leyt bi alcmaer Ende is nochhuden des daghes gheheten ſinte wilibrordus putte.