Druckschrift 
Dat boeck dat men hiet Fasciculus temporum : in houdende die Cronijcken van ouden tijden Als van dat die werlt ghescapen is Ende van dat Adam ende Eua ; mit die Cronijcken der coninghen van Vranckrijk, van Enghelant, ende van die hertoghen van Brabant, ende van die biscoppen van Utrecht, ende van die greuen van Vlaenderen, van Hollant, van Zeelant, van Henegouwen, van Ghelre, van Cleue, tot huden op den dach toe
Seite
CCXLIv
Einzelbild herunterladen
 

Int jaer ons heren M iijᶜ lxxv Alſt beſtant tuſchen den coninck van vran-rijck ende hertoech kaerl ten eynde was ghecomen ſo heefft die coninck weder omgrote ſcade ghedaen op hertoch kaerls landen beyde te water ende te lande Veel ſepen hebben die franſſoyſen op die zee verdoruen Mer als die hollanders daer te-ghens veel ſcepen weder op die zee gheſeynt hadden ſoe en gheſchiede die ſcade nimeer alſo groot + Die coninck heeft oeck veel lants ghebrant in piccardien nArtoys ende veel cleyn ſteetgens in ghewonnen.☞ Als dan hertoch kaerl dit heeft vernomen noch voer nuys legghende ſo heefthi hem verbonden mit Eduwaert den coninck van enghelant teghens den coninvan vranckrijck Ende die coninck van enghelant is te calis ouer ghecomen migrote macht van ridderen ende knechten Ende is in vranckrijck ghereyſt om no-mandien in te winnen. Des ghelijck ſo is hertoch kaerl oeck ghecomen in vranrijcke om ſijn leet te wreeken Mer als die coninck van vrancrijcke ſach dat hi verheert was ſo heefft hi pays off beſtant gheſocht.Anno dn̄Hertoeghenvā BrabantRegnierden Ten laetſten iſſet daer toe ghecomen dat die coninc van vrancrijcke heuet paysverworuen mit den coninc van enghelant in deſer manieren Als dat des conincsſoen van vranckrijck ſoude trouwen des conincs dochter van enghelant En̄ hieren binnen teghens dat deſe kinder out ghenoch werden ſouden ſo ſoude normandien noch bliuen onder den coninck van vranchrijck.☞ Hertoech kaerl en heeft gheen pays willen maken mitten coninck van vranchrijck Mer hi heefft ghemaket beſtant neghen jaer duerende Ende als dit ghedaenwas ſo is een yghelijcke thuus ghereyſt. Buten dit beſtant bleeff buten gheſoent die greeff van ſimpol waer om doe higheweken was tot berghen in henegouwen ſo wert hi daer gheuanghen Ende wathi des conincs van vranckrijcs dienaer hadde geweeſt ſo dede hem hertoch haelhem ouer leueren in des conincs hant En̄ die coninck heefft hem te parijs doen onthoefden.