nv veneetgen ſtaet ende daer bleeff daer een deel woenen en̄ vanden anderen togenende begrepen ende beſloeghen veel landen daer menichter hande volck off quam.Waen dat Brutus quam¶ Eneas mit een deel volcks die toech ende lande aen ytaliē bi dat water dat nudie tyber hiet Daer nv romen ſtaet ende hij ſtreet teghens den coninck latinus en̄teghen den coninck euernus die hi verwan Ende Eneas nam te wiue coninc latinus dochter lauina daer hi enen ſoen bi wan ende die hiet aſcomus. ende noch enēſoen die lauina droech doe eneas ſterff ende die hiet ſiluius poſthumus Ende deſeſiluius poſthumus als hi groot wert ſo creech hi een joffer lieff ende was lauinenſijnre moeder nicht ende daer creech hi een ſoen bi die wert gheheten brutus Endedeſe brutus doe hi xv jaer out was doe reet hi op een tijt jaghen mit ſinen vader dēconinc ſiluius poſthumus ende hi ſoude ſchieten na een wilt ende ſchoet ſijn vaderdoot.Hoe Brutus vten lande toech¶ Siluius Eneas ſijn broeder haettede hem alſo ſeer hier om als dat Brutus vanſcaemten wech vten lande toech daer hi veel auentueren leet Ende hi ſeylde wt ytahen in grieken daer hi vant een grote ſchaer van trogimen die welcke die pyrrueachilles ſoen daer gheuanghen ghebrocht had in voer tijden doe troyen ghewonnenwas die daer ſaten in eyghenſcap ende in pacht onder enen coninck in grieken diepandraſus hiet Ende als brutus mit deſen volck ſprac Ende die troginen hoerdewie dat brutus was ende ſi ſagen dat hi ſo vroem ende wijs was van rade ende vāopſette ſo droeghen ſi ouer een dat ſi alte ſamen lieuer doot te bliuen hadden in eneſtrijde dan ſi langher alſo in dier eyghenſcap bedwongen waren Ende coren brutustot een heer ende ſworen hem alle goet ende ghetruwe te weſen ende bi hem te leuenende te ſteruen alſo dat hiſe al dede trecken mit wijff ende kijnderen in een woeſtindoe ſereeff hi aenden coninc pandraſus ende badt hem ghenadelick dat hij doch datedel gheſlacht van twoyen woude gonnen die lucht ende dat water ende boeſſcheneen hoeck van ſinen lande dat ſi daer mochten woenen ſonder eyghenſcap off dathi ſe liet varen mit vrede wt ſijn lant daer ſi hem gheneren mochten.