en̄ te jaghen alſmen wil dan die croen te draghen En̄ hi regnierde aldus xxvij jaerEnde doe hi aldus gheoerloghet had en̄ den ſchatt van vranckrijck daer in gheleyhad doe nam hi den x penninck vander heyligher kercken goede van allen gheeſtelken luden goeden en̄ gaft den ridderſcap en̄ den ruteren daer off hoer ſoudye. Endedoe hi ſtarf doe ſach ſinte eleutherius die toe biſcop was tot oerliens datmen kaerlen ziel voerden totter hellen in vulcanus pott om dat hi dat gheeſtelick goet beſcathadde dat groot yammer waer ſoude hi daer om verloren bliuen dat hi den tiendepenninck nam want hi ſo vroemen prince was en̄ ſo veel dede Ende hi ſtarf doemēſcreef vijᶜ en̄ xlij en̄ wert begrauen tot ſinte denijs. dit hoert noch hier om¶ Doe kaerl marceel doot was doe liet hi drie ſonen after die hi bi alpaydes ſinenwiue hadde Die outſte ſoen hiet kaerl en̄ was prince van doringhen van oeſtrijchvan bourgoengen en̄ van provincien en̄ hi had menighe ſeghe waer hi quam endedie auentuer was hem ſeer onderdanich Ende die ander ſoen hiet pupijn die cleynen̄ wert die vijfte hertoch vā brabant en̄ van lothrijck en̄ ouerſte raet van vrancrijck Ende die derde ſoen hiet oeck griffoni of oeck remy en̄ deſe wert eertſbiſcopvan riemen.Anno dn̄coningen vāvrancrijckRegnierden¶ Deſe kaerl die prince kaerls marceels outſte ſoen regnierde iiij jaer Ende intvijfte jaer leyde hi ſijn wapen neder en̄ gaff pupijn ſijn broeder alle ſijn heerlicheytouer en̄ begaff die werlt en̄ wert monick Puppijn was ſeer ſtout en̄ machtich alwas hi cleyn van perſoen en̄ hi hadde alle deſe heerlicheden en̄ dede ſo veel vromiche-den dat die franſſoyſen coren puppijn tot een coninck van vranckrijck En̄ veruol-ghedent aen den paeus zacharias diet conſentierde alſt voerſcreuen ſtaet Ende co-ninck childerick en̄ ſijn wijf worden in een cloeſter ghedaen en̄ eerlick verſien Epuwijn wert coninck ghemaect en̄ ſijn gheſlacht bleeft tot dat hugho capet grauevan parijs coninck wert.