Noch vanden ſeluen puppijn.¶ Deſe puppijn van landen voerſcreuen had oeck twee dochteren. die een was ſin-te gheertruyt en̄ die ander was ſinte begghe. Hertoch pupijn van landen ſtarf intjaer doemen ſcreef viᶜ en̄ xlviij Ende doe hertoch pupijn doot was en̄ hertoch grimolt ſijn ſoen oeck gheſtoruen was doe beſtarf brabant en̄ alle ſijn heerlicheyden opſinte gheertruyt en̄ op ſinte begghe Ende doe ghinck die moeder hertoch puppijnewijf mit horen twee dochteren ſinte gheertruyt en̄ ſinte begghe en̄ deylden die heer:licheyt bi ſinte aernouts rade. doe ſtichtede ſinte gheertuyt dat cloeſter tot nyuelen̄ wert daer nonne en̄ abdiſſe Ende ſinte begghe wert enen man ghegheuen ſintaernouts ſoen hertoch angijs die een hertoch was van ouerſcelt Anno viᶜ endexlix Ende ſi wonnen enen ſoen die pupijn van haerſtel hiet Item haerſtel is eendorp en̄ leyt opter maſen tuſſchen ludyck en̄ maeſtricht Ende daer ſtont ſijn ſaeldaer hi woende.Anno dn̄coningen vāvrancrijckRegnierdenMan pupijn van haerſtel.¶ Na hertoch angijs en̄ ſinte begghen doot ſo wert pupijn van haerſtel die vierdehertoch van brabant en̄ wert oeck ouerſte raet ende man vanden pallas en̄ ſweertdragher des conincks van vranckrijck Ende hi wert ſeer machtich en̄ moghendeen̄ regnierde na ſinen vader xxx jaer Ende xviijaer was hi ouerſte raet en̄ hoeft-man van vranckrijck bi coninck lotharius en̄ den coninck childerich Ende doe coninck lotharius en̄ coninck childerich doot waren doe begonde der coninghen mo-ghentheyt en̄ ontſich ſeer te vergaen Ende puppijns dinghen begonnen ſeer te waſen Ende puppijn ſloech ſijn hant aen lothrijck en̄ bleef daer gheweldich heer of ēpuppijn ſtret ſeer teghens menighen Ende teghen den ongheleuighe coninck Rab;bout van vrieſlant Ende deſe hertoch pupijn ſeynde ſinte willibroert mit xij gheſelen in vrieſlant om dat hi coninck rabbout ende die vrieſen ſoude bekeren daermeninden cronijcken van vtrecht off vijnden ſal.