¶ Daer na menich jaren bi des keyſers valenciaens tijden ſo ſaten noch dat vol-mit groten hoep in die merſche van meochides en̄ int lant en̄ aen tlant van vnghe-ren en̄ hieten ſicambrinen die te voren troginen hieten en̄ hadden enen hoeftman diehoer hertoch was en̄ hiet francion en̄ was ghecomen van francion hectoers ſoen vātroyen Ende in deſen tijden ſo quamen int keyſerrijck alten groten volck en̄ hietenalianen en̄ verderfden en̄ ſcheynden dat keyſerrijck ſeer Des ſo dede deſe keyſer valenciaen deſen francion mitten ſicambrinen bidden dat ſi wouden comen ende helpenhem die alianen verdriuen Ende ſi ſouden daer om vry ſitten van allen pacht endetribuyt x jaer lanck Daer toghen ſi wt dat broeck van meochides en̄ verjaechdenen̄ verſloeghen die roemſche vyanden die alianen des ſo dancte hem die keyſer ſeerEnde men hietſe doe voert vry vrancken om dat hoer hoeftheer francion hiet endedat ſijt ſo vromelick en̄ ſo ſtoutelick ghedaen hadden mitten keyſer.¶ Doe dit gheleden was ij jaer doe quam daer een keyſer en̄ hiet valenaus en̄ ſijnbroeders graciaen en̄ valenciaen Deſe drie waren keyſeren te ſamen en̄ wouden wder pacht en̄ tribuyt hebben vā deſen ſicambrinen of vrancken en̄ woudenſe eyghenmaken. mer ſi en wouden nijt gheuen Ende die keyſer verdreefſe wt vngarien En̄ſi quamen hier neder biden rijn mit xxiij duſent man en̄ daer toe wijf ende kinderEnde hem volgheden noch veel duſent en̄ ſloeghen hem neder en̄ begrepen een lantdat noch na hem hiet vrancken lant Ende deſe hertoch francion liet enen ſoen diepriamus hiet en̄ was hertoch van ſicambrien Ende deſe priamus had voert enenſoen die priamꝰ hiet en̄ waren ghenoemt naden ouden coninck priamꝰ van troyendaer ſi of ghecomen waren vā ſinen liue en̄ ſi creghen veel landen in hoer bedwancktuſſchen der danouwe en̄ den rijn Ende ſi maecten een grote ſtadt biden rijn en̄ diehieten ſi troyen dat nv ſanten hiet. ende dit was dat eerſte vranckrijck Dit volckwas groot ende ſtout en̄ ſi beſaten die landen daer xlv jaer en̄ ſi verſloeghen grootvolck Ende ſi maecten drie hertoghen als Priamus Somores en̄ Genebaus Deſe drie wonnen veel ſteden en̄ caſtelen in almaengen in germaengen en̄ in gallenItem nyement en̄ dorſt hem tribuyt eyſchen want ſi ſloeghenſe al doot Die keyſertheodoſius dedeſe twee werf beſtrijden mer ſi verſloeghen al des keyſers volck End̓na die leſte ſtrijt ſo en dorſt die keyſer off nyement tribuyt van hem nemen of vā-den gallen of van enighen landen die ſi onder hem hadden.