een boeck dat men hiet faſciculus temporum beghinnende vā die cronijcken der ouden tijden als vā die ſcepping des werlts tot deſer teghenwoerdighe tijt toe daer wicortelick te ſamen binden en̄ knopen ſellen die wercken der heyligher ſcriſturen enmede die wercken van veel ander vremder hyſtorien Ende op dat deſe hyſtorie naden letter den deuoten mēſchen nijt en verdrietet ſo hebben wi dicwijl bi gheſet ſcoenſentencien en̄ leringhen der heylighen die ons te ſamen brenghen tot deuocie autori-teyt gheuende den ghenen die voer ons ghearbeyt hebben En̄ wi die inghegaen ſijnin horen arbeyt hebben ghepluckt en̄ tſamen in een vergadert van allen hoeken naonſer manier wes wi vermochten Ende om te weten bi wat ordinancie wi hoer nagheuolcht hebben ſo vijnden wi inden eerſten die tijt des ouden teſtaments van v̓ᵐjaer C en̄ xcix jaer ghedeylt in vijff outheyden en̄ dat in een boecſken dat yſidorusbeſcreuen heeft alſmen hem toe ſcrijft daer hi ſeer kunſtelike procediert veruolghende die jaren des werlts tot ſijn tijden toe als tot Eraclius tijt die began te regnie-ren omtrent die jaren ons heren vi en̄ xij Mer ſijn rekening en ordiniert hi nijtna den daet xpriſti Als oroſius oeck nijt en doet Ende deſen navolghen wi in dietwee eerſte outheyden en̄ des ghelijck mede ī die twee navolgende outheyden alleeeen weynich wt gheſondert want die text nader hebreeuſcher waerheyt vand̓ gheboerte Abrahe tot die ouerganck van babylonien is bi ons meer en̄ neerſtelikencorrigiert daer om volghen wi hem al ſcheeltet weynich. In die vijfte outheyt hebben wi meerre neerſticheyt en̄ arbeyt ghehat om dat die hyſtorien daer meer u̓ſcheyden ſijn Ic bid ghenade om dat ic op die een plaetze den enen doctoer en̄ opten an-deren den anderen meyſter alſt nu alre orbaerlicſte ende bequaemſte docht gheuolchtheb En̄ off ic die jaren op een yghelike plaetze wel gheordiniert heb dat oerdel daeroff beueel ic den leſer Mer die linie der romeynen en̄ der coninghen van aſſyrien en̄der anderen ⁊cͣ heb ic wt veel verſcheyden hyſtorien mit groten arbeyt bequaem ghenoech gheſet en̄ gheordiniert biddende een yghelick diet belieft wt te ſcriuen dat hineerſtelike onthout en̄ ſcuwet ſo dat hi ſpacium en̄ ghetal der jaren nijt langher offcorter en̄ ordiniert dant exemplaer wt wijſt off neen ſijn arbeyt ſoude te vergheefsen̄ ſonder vrucht weſen. In die ſeſte outheyt navolghen wi die cronijcken martinien̄ vincencij die ſeer cortelick ende beknoftelick procedieren tot hoer tijden toe Endena deſen omtrent ijᶜ jaer ſo na volch ic een notabel boeck welcker autoer en̄ mey-ſter mi ombekent is Ende wat daer na gheſchiet is dat weerdich is te beſcriuen ſohebben wi dat ghelijck wi ghehoert en̄ gheſien hebben hier aen beſcreuen Ende daerna ſijn aen gheſet ende ſeer puntelike gheordiniert veel cronijcken van verſcheydenrijcken en̄ provincien en̄ dat opt corſte procedierende vanden outſten ned̓ wert alsinden eerſten vanden boem en̄ cronijcke der coninghen van vrancrijck. daer na vā-den coninghen van enghelant Item van die hertoghen vā brabant. van die biſcoppen van vtrecht. van die greuen van vlaenderen. van hollant zeelant henegonwen