137

Et toutes voies par le conseill de ces .ij. frères l'onor deli frère et li sien avoient esté accressut. Et princementcesti Gisolfe esmut cil de la cité contre ces dui, et lor pro-metoit de donner lor chozes. Mes pour ce que ces .ij.frères avoient l'ajutore de lo conte Ricchart, non veoitcornent ceste cose bonement se peust faire sans l'ajutorede alcun altre de li Normant. Adunque a ceste cose faireappella Robert frère de lo prince Ricchart, et li promistpar sacrement de donner lui la moitié de la ricchesce deces .ij. frères; et cestui estoient moult riche, et avoientgrans possessions. Mes ces .ij. frères sorent lo conseill quiestoit fait contre eaux. Et après de la cité avoient uneroche molt secure et moult fortissime de grant manière,et en celle roche avoient mise lor ricchece, et la estoientla ville et la maison, et se partirent de lor anemis, et lobestiame delquel se trovoient abondance sans nombre.Toutes foiz remainstrent vacant et gabe de ceux qui desi-deroient de faire mal a la persone lor. Partirent toutesvoies quant sesperoient départir, et la cose qu'il partirentfu moult petite. Et Richart estoit immobile por deffendreli fidel de ceste injure. La prospérité de Guide estoitabassié pour lo oppression de ces .ij. frères, liquel se te-noient ensemble, et Gisolfe son neveu ot sa compaingnieen despit (i).

Cap. 45. Et vint lo conte Umfre, et demanda lo donqu'il soloit avoir, et vint o son frère Guillerme, demandalo chastel qui lui fu promis o sacrement. Li princedampna la pétition de ces .ij., et onques ne les vouloitvoier, ne de bohe et alegre face non lor voust plaisir. Etse partirent ces .ij. frères molt corrociez et cerche et

(1) Aimé est seul à parler de ces premiers actes de Gisulfe.