van de Proportie des Menſchen.Ic stelle drie oprechte linien des Beelts lenghte voor my/ ende besluyt die on-der ende boven met twee dwerschlinien Scheydel ende Solen ghenoemt. Byde eerste maer ic het Beelt naer der syden. By de tweede/ het van voren. Endeby de derde/ het Beelt van achteren. Daer naer meete ic de lenghte der lidt-maten/ eerstelijc by het van besyden ziende Beelt/ ende doortrec de selve lengh-te der leden ende beginselen/ al met dwersch linien/ zoo vele als ic dier van noo-de hebbe. De andere twee oprechte linien des van voren ende van achterenziende Beelts/ ende alle maten der leden/ wil ic setten met oprechte linien/ achter het van besyden ziende Beelts. Ende wat dan de mate eener jeghelijckerlinie van den Meet-staf/ Deel ofte Trumlen/ inhoudt ende gheeft/ zoo wil ic deselve linie beteeckenen/ met des Meet-stafs Ghetal/ Deel ofte Trumlens Ca-racter/ ende de cyffers daer by setten/ alzoo veel alst van eenen jeghelijcken in-hout. Alzoo wil ic ooc beteeckenen/ ghelijc als boven verhaelt is/ een jeghe-lijcke dwersch linie des van besyden ende van voren ziende Beelts/ hoe veel eerjeghelijcken dicten ende breeten inhouden zal.