66

HET TVVEEDE BOECKVan deProportie des Menſchen /VanALBRECHT DVRERIN dit tweede Boeck/ wil ick op een nieu ende op eenander manier een Menschelijck beelt leeren meten/ namelijck/met eenen meet-staf/ die maeck ick langh ofte kort/ naer datick daer groote ofte kleyne beelden met meten wil/ ende desenMeet-staf maeck ic altijt een sestendeel langh van 't selve beeltdat ic meten wil.SIck make die ooc een besonder teecken/ daerment by ver-staen kan/ ende weet dat ic een heelen Meet-staf daer mede meyne/ ende ic teec-kene hem alzoo:Daer naer deele ic desen Meet-staf in tien ghelijcke velden/ ende elc velt noem iceen Tal/ ende zijn teecken daer by/ dat men de Tal zal kennen/ als ie dat beschrijve zoo stelle ic het aldus:Daer naer deele ic haer Tal in tien ghelijcke velden/ ende elcke veldt noemeic een deel/ ende het teecken dat ic hem gheve/ daer by men de deelen kan ken-nen / ende is aldus:Daer naer deele ic dese kleyne deelen ele noch in drie ghelijcke velden/ ende deselve eender noeme ic een Trumlen/ ende ic gheve hem een teecken daer ment bykent / ende is aldus:En als ic met desen Heet-staf ende synen inhout meten wil/ zoo tree ic uyt-wendigh beneven de schrift een oprechte tafel/ met vijf oprechte bloote linienin vier ghelijcke velden ghedeelt/ ende beteeckenede velden/ boven een jeghelijcmet zijnen naem/ ende synen Caracter ofte teecken daer onder.In het eerste velt maec ic den Meet-staf. In het ander tGhetal. § Inhet derde dat Deel. Ende in het vierde/maec ic het Trumlen.Alzoo heeft een jeghelijc zijn besonder velt. Ende als ic dan aenvanghe endebeschrijve de lenghte/ dicten ende breeten des Menschen uyterlijc/ ghestalt derlidtmaten/ zoo zal ic van de selfde schrift altijt met een linie uytvaren in de voorghemelde tafel. Daer in wil ic setten met eyferen / de deelen ende het ghetaleens jeghelijcken lidts/ in welcx velt dat treft/het sy in de Meet-staf/ Tal/ Deel/ofte Trumlen/ hoe veel de maet der lenghten/ dicten ofte breeten gheeft/ het sydan veel ofte weynigh/ ende waer het niet en gheeft/ daer wil ic dese nulla oletten.Nu schicke ic my met dit voorsz meten op de selve maniere/ ghelijc als ic inhet eerste Boec ghedaen hebbe/ ende houde ooc de selve ordonnantie.Ick