45

ljrste Greue van Cleue ind he was soe heer ind Greuevan Cleue XXI jair lanek.

Dese selue Greue Elyas wan by der GreuynnenBeatrix sijnre huysfrouwen dry soene; die ijrste soenhyete Derick, die ander soen hyete Goedart, ind diederde soen hyete Coenrait. Ind Greue Elyas ordi-nierden by sijnen leuen dese sijne dry soene, tot watstaide dat he sy hebben wolde. Sijnen aldsten soenDerick gaff he sijnen schilt rayt der wapen ind sijnverguldt swert ind sacht oen, dat he nae oen Greuevan Cleue wesen solde, ind hijlickten oen an eynsGreuen dochter van Henegouwen, ind den anderensoen Goedart gaff he ■ sijn hoern ind warff oen mythijlicke ind myt hulpen van princen, dat he greuevan Loyn wart, ind den derden soen Coenrait gaff hesijnen Rynck ind warff oen myt hijlicke ind myt hulpevan princen, dat he lantgreue van Hessen wart. Inddese dry soene en moisten oen oick nyet vraighenvan sijnre herkompste, gelijck he der moeder voirverbaiden hadde. // 39

Dese vurs. Greue Elyas lach hijr nae eyns nachtesby Beatrix sijnre vrouwen ind kalden, ind dieselueGreuynne vraighden onüerhoids ind sachte: „Heersoldy uwen kynderen nyet willen seggen, van wairdat gy gekomen sijdt", ind myt den soe wart sy desGreuen oirs mans qwijt ind en sach sijnre nyetmeer. Doe wart sy seer rouwich ind starff bynnendenseluen jaire.

Derick die ijrste alsoe genoempt, des vurs. GreuenElyas aldste soen, was die ander Greue van CleueXXV jairlanck ind hadde tot eynre huysfrouwen desGreuen dochter van Henegouwen.

Reynolt die ijrste also genoempt, des vurs. GreuenDericks soen, die was die derde Greue van Cleue XI. .jairlanck ind hadde tot eynre huysfrouwen des Greuendochter van Ardennen. // 39 2