lyden ewyge pine in dē dode van deme antlatedes herē en̄ vā der glorie ſinre crafft: ſo he kōptto werdē glorificieret in ſynen hylligen. ende towerdē wunderlick in allen de dar gelouuedenwant vnſe getuychniſſe is gelouet auer uw andē dage * der glorificieringe der viterweldenvmb welcken dach * to verkreghen wy ockbydden to allen tiden vor uw dat uw got werdige to ropen myt ſinre ropinge en̄ veruullē alle den wyllen ſinre guetheyt en̄ dat werck desgelouē in der crafft * dat is in ſtāthaffticheytder martilie vmb den gelouē | vp dat dye namevnſes heren iheſu criſti werde geclarificieret inuw: en̄ gy in em na der gnade vnſes gades en̄heren Iheſu criſti¶ Dat tweyde CapittelVer broedere wy byddē uw dor dē tokompſt vnſes herē Iheſu criſti * to dēordel en̄ vnſer ſammelinge in eme datgy met geringe beweget werdē in uwen ſynnenoch verſchrecket dor den * boſen geyſt lnochdor dye rede * der valſcher apoſtel noch doergeynē epyſtel als dor vns geſant recht off daran ſtaen ſij de dach des herē. Geyner verleydeuw in geyner wyſe: want yd en ſij dat dar kome tweydracht off affkijringe en̄ geapenbartwerde de minſche der ſūde. en̄ de ſone der verdemeniſſe de dar wedder is en̄ verheuen mer alledat dat dar is genōpt got: off dat daer wertangebedet: alſo dat he ſitte in dē tempel gadesen̄ bewijſe ſick als he ſij got. Gedecke gy desmet do ick was by uw dat ick uw ſachte deſſedinge. en̄ nu wetē gy wat uw vnthelt dat heywerdē apenbaert in ſinre tit: want yetoens dyeverborgēheyt * dat is de figure der boeſheyt*antecriſti Wercket in nerone de veruolgerder kerken: als ſere dat dē dar nu holdet * datroemſche rike de ſall dat halden bys yd vā demyddel genomē wert * dat is bys yd gebrekedor vngehorſamheit en̄ dan ſal verſchynē dieboſe den dē here Iheſus ſal verſlaen myt demegeyſt ſyns mon des en̄ wert en verſtoerē in derverluchtinge ſinre tokōpſt. dē des ſine tokōpſtis na der werckinge des duuels in aller * tuͦtliker macht en̄ in teyken en̄ in logeliken wunderen. en in aller veruaringe der woeſheit dē dedar verderuē. dar vmb dat ſi met vntfengē dielyeue der waerheit vp dat ſi wordē behaldē En̄dar vmb got wert en ſendē de werckynge dererringe dat ſi gelouen der logen vp dat ſy allewerden geordelt de dar gelouuedē der warheitſonder vulbordē der boeſheit. Euer lyeue broedere wy ſolen to allen tiden dancken gade voeruw dat uw got to dem ijrſten hefft vyterweltto dem heyle in der hyllicheyt des geyſtes. en̄

in dē ghelouuē der waerheyt in dē heuw ockhefft geropen dor vnſe ewāgelium in der ghewinninge der glorien vnſes herē iheſu chriſtiDar vmb brodere ſtaet en̄ haldet dye ſeden degy hebbet geleret vā vns dat ſij dor vnſe worde off dor vnſe epyſtel. Euer die here ihūs criſtus vnſe got en̄ vnſe vader die vns lyeff heffgehat en̄ vns gaff den ewygē troeſt en̄ guedetouerſijcht in der gnade. de vnderwiſe uwe herte ende beſtedige uw in alleme gueden werckeende in gueder rede.¶ Dat derde CapittelOrtmeer brodere biddet voer vns datdat wort des heren vort loepe en̄ ghecclarificiert werde as yd by uw geſchyen is dat ock wy werden vorloſet van dē vngeſtuerliken en̄ boeſen luyden. Wāt der geloiue is niet aller * dat is ſi en hebben noch nyetden gelouuen alle dor my vntfange Euer dyehere is getruwe de uw wert beſtedigē ende behalden vā dem quaden. Euer broedere wy betruwen vns vā uw in dē heren dat gy doen en̄doen ſolt de dinge de wy uw gebedē. De heremotē ſchycken uwe herte in der lyeffde gadesen̄ in der gedult criſti. Euer broedere wy enbeden uw in dem namen vnſes heren Iheſu criſtdat gy uw afftrecken vā eynem yegelikē broider die vnordentlickē wādert. en̄ nmet na dē ſeden de ſi vntfangen hebben vā vns. Wan̄t gyſelues wetent wo men vns moet nauolghenwāt wy weren vnder uw niet raſtich noch eneten dat broet vergeues vā yemande mer inarbeyde ende in modinge hebben wy gewercketdach ende nacht to verkrigen vnſe noettrofftdat wy uwer geyn en beſwerden. Nyet off wyniet haddē dē gewalt * vnſe noettrofft vā uwto nemen Euer dat wy vns ſeluen geuen eyngelick bylde uw vns na to volgen. Want dēwy weren by uw wy verkundigeden uw datoff yemāt niet wyl wercken de en ſal ock meteten. Wāt wy hoerden etlike wanderen vnderuw vnraſtich niet arbeydende mer ſere curioeeleuende. Deſen de ſodane fint verkundigē wyende bydden ſi in dem heren iheſu criſto dat ſiſtylliken wercken dye ere broet eten. Euer gybrodere niet wyllet vphorē wael to doen. Oetlicke niet gehorſam is vnſem woerde dor deepyſtel. dan̄ mercket en̄ met vermenghet uwmyt ene vp dat he werde verſchemet en̄ nyetwilt en achtē als eynen vyāt. euer ſtraeffet enals eynen broder. God des vredes geue uw dēewigen vreden an allē ſtedē. de here ſij mit uwallen. Myn groete is in der hant pauli dat weke eyn teyken is in eyner yegelicken EpyſtoltAldus ſchriue ick. De gnade vnſes herē iheſuxp̄i ſij myt uw allen Amen Eyn eynde heſtde ander epyſtel to den Theſſalonioenſeren