Dat boeck.

¶ Hijr begȳt dat gebet Salomonis en̄ is datlij. ende leſte Capittel des boecks Eccleſiaſtici. in welckem god van Salomon myt ynnicheyt gelauet wurt. Ende wo wy to der wijſheyt gheropen werden ende van der ſtanthaffticheyt ende vullendinge deſſes gebedes daer īSalomon god dancket dat he em van den boſen mynſchen verloeſet hefft.Nde Salomon boechden ſyneſknee in der tegenwordicheit alleder vergadderinge yſrahels. ende.Mivpdede ſine hende to deme hemiel ende ſacht. Here god yſrahelgeyn god̓ en is dy gelick bauen in deme hemmel noch byneden in der erden: die du bewaereſt din teſtament ende barmherticheyt dinenknechten: die dar gaen in dinem angheſichtemyt allen herten: ende heldes dinē knecht Dauid: welckes du eme to geſacht heffſt: ende geſpraken heffſt myt dyme monde: ende veruultheſt mit dinre hant: recht off yd deſſe dach ſij.Ende nu here god yſrahel halt dinem knechteDauid mynem vader wat du eme gelauet heſtſeggende. Nyet en ſal dy vntbreken van mynem angeſicht: eyn man ſittende in dem troenyſrahels. Iodoch is dat dine kindere bewaerenmyne ewe ende wanderen in mynen ghebadenals gewandert hebben die getruwen in mymeangeſichte: en̄ nu here god yſrahell is dat manhefft gelouuet des wortzs dat du gheſprakenheffſt dineme knechte Dauid. want god hefftghewoent myt den mynſchen in der erden. Isdat ſake dat die hemmele dy nyet genoech enſint: wo vyl meer dyt huys dat ick dy getymmert hebbe. Mer ſye to dem gebede dines knechtes. ende ſinre bedinge dat du here verhoerēwylleſt die verſoninge des gebedes welck dynknecht huyde byddet vor dy: vp dat din ougēſyen vp dyt huys dach ende nacht. ende vp deſtede welckē die du geſet heffſt dat man dinēname dar ynne anrope ende verhore dat ghebet welck din knecht biddet in deſſer ſtede. en̄verhore die byddinge dijns knechtes ende dynes volckes yſrahel is dat ſy bydden in deſſerſtede ende verhoren ſy in der ſtede der wonynge van deme hemmel ende ick begere dattu verhoreſt ende genedich ſijſt off eynich man ſundiget entegen dy.