Ie born der ewyger wyſheyt datwort gaedes ī dēhogeſtē ſprekꝫ:als Iohannes inden vijfften Capittel ſchriuet toden ioden. Vnderſoeket de ſchrifftin welker gy meinet dat ewige leuen to weſen. Hyrumme on̓tredet dat boeke der bybelen hijr nae ghedrucket alle mynſchelycke vnde werentlycken konſten. So in ghenen boken effte wetenheydē des mynſchen heyll vnde ſalycheitgeleghen is dan in wetenheyt ſines gadesAlle ander konſten vnde boeke leren kennende creaturen: allene dat boecke der hyligherſchrifft vnderſoeket ende maket bekentelikden ſchepper ende heillmaker aller creatueren. Hyrumme is dyt vœghenoemde boekder hyllygher ſchrifft myt groeter ynnycheit vnde werdycheyt to leſen eenen iuweliken criſten mynſchen. wēte als Auguſtinꝰſpreket All ſin al ander konſte vnde wetenheyde nutte deme mynſchen: iodoch en isniet nuttelycker vp deſer erden dan toe ſoecken den ghenen dar hemell vnde erde vndealle creaturen van ghemaket vnde gheſchapen ſint. Als Paulus ſprickt. Vyt eme inem. dor eme. ſint alle dinghe: den ſy loff vn̄ere vmmermere Als ok Baruch ſpreket inſinen derden Capittell. Dyt is vnſe got vnde ghene ander en ſall buten eme gheachtetwerden vnde geeret ſin Deſe heuet von denalle de weghe der leringhe. vnde heuet ſe ghegheuen Iacob ſinen knechte. nae deſen ishee gheſien vp erden. vnde myt den mynſchen ghemeynſchop gehat Als Salomōſpreket Eccleſiaſtici xxiiij. in perſonen dergotlycker wijſheyt Ick bin vth deme monde des alreouerſten gheghanghen voerghewonnnen voer allen creaturen: vpghanckdes vyuorghenckelycken lychtes in den hemell heb ick ghemaeket. Wente ſo ok Salomon ſpreket van der gotlycker wijſheytHe is een glans des ewyghen lychtes vndeeen ſpeghell der gotlycker moghentheyt.Des ghelyckes ok ander lerer ſegghen. datde ghotlycke wijſheyt beſchreuen in demeboeke der bibelen ein wort ſy des ewyghenwordes. dorch welk wort dat ewyge wortverluchtende is alle mynſchen komende in

deſſe werlt Dat wort als Iheronimus ſpreket in der vorreden der bibelen: heuet nietghewoeſtet de waellgheleerde Plato. datwort is vnbekant geweſet den wolſpreckeden Demoſtenes Alſo ok Paulus ſprecketthoe den Romeren. All hebben ſe bekantgot: ſe en hebben en doch niet gheeret ghelyck gaede. met ſe ſin verſwonden in erē ghedancken Hyrumme ſall een iuwelyck criſten mynſche dyt bok der hyllyger ſchriftēmyt groeter andacht vnde vuirycheyt leſenBeſonder als Salomon vns beſchriuendeis Eccleſiaſtici xxiiij als hi ſpreket. dat bokdes leuēts een teſtamēt des alrehogeſtē. eenwetēh̓ der warheyt beſluitet effte begripetal deſe dīk Dat bok der hylliḡ ſchrifft de bibell is ein boeck des leuendes als de hyliggheeſt ſchriuet allene bouen alle wetenheitleydende is to den leuen welke vnſterfflyckeende gheen ende nemende en is Alſo Ezechiell ſprickt in den xx. in der perſoenen gades Ick hebbe en ghegheuen myne gherechticheyt de de mynſche doen ſchall vp dat hyin der leue Spreket Salomon in der ſeluergheſtalt der gotlycker wijſheyt De my verclaeren: de ſullen hebben dat ewyghe leuenAlſo Iohannes in ſinen Ewangelio ſpreketin deme leeſten Deſe dinghe ſin gheſchreuen vp dat ghy gheloeuen ſult. vnde geloeuende hebbet mocht dat ewyge leuen Degotlycke wijſheyt beſlaeten in deme boeckder Bybelen: is oek een teſtament off eenlaetſte wylle des alre ouerſten des almechtighen gades beſtedyghet van den ſeluen allene to gheſegelt vnde beſlaten myt ſeuen ſegelen Alſo Iohannes ſpreket in dem boeckſinre hemelicheidē in den vijfften Capittellok beſtedyghet vnde conformyrt dor demdoet des ghenen dē dat ghemaket heuet.Als Paulus ſpreket to den hebreen in demix Capittell. Dat paeuſchelycke vnde datkeyſerlycke recht vnderſoeken de teſtamente de de mynſche makende fint: allene dyt boke der gotlycker ſchrifften ſpreket vyt datteſtament des leſten wyllen des almechtigēgaedes. Hyrumme is dat boecke der hyllygher ſchrifften hijr nae ghedrucket bouenalle mynſchelicke vernofft vnde verſtanteniſſe ſo yd got allene gemaket heuet buitenwyllen des mynſchen als Petrus ſpreket inſinre Epyſtolen De prophecie vns met thokoemende is dorch wyllen des mynſchen:mer dor aenvanck des hyllyghē gheyſtes