iſli

truwe mit geloue geroeeſt heb. Die geloue des māen is niet van tongen en̄ van woerdē mar vā waerheide en̄ van warckē. Darde warf ſo ſellen die ridderen. vri en̄ milde weeſen hoirs goeds wāt Seneca ſeit Die riddere verlieſen cracht en̄ moet die hoirhartte ſetten om goet te gaderē en̄ ghelt Onder dēRidderen ſal alle dinck gemeen weſen van die wapene Dauidt woude dē roof gelijck ghedeilt hebben.mitten ghenen die vochtē en̄ bi dē ſaecken ghebleuēwaren Ende om die gheliker deilinge wil maectenhem die ridderen hoir meiſter. en̄ na tot hoeren Conīck Vijrde warf ſo ſellen ſi weſen ſtarck niet allene van lichaē dat noot is. mar oec van moede wāteen ſage onder veel vromer mānen ſoude veel hart-ten wederſlachtich maken Alſt gheſciede bi Ioſu-res tiden. doe die verſpiers van iſrahel ſeiden dat. ſilant van beloeften inet winnē en mo chtē. wāt daerwaren veel roeſen en̄ gygātē in Doe wart dat volckverueert en̄ en dorſtē teghē die heiden niet vechtenDaer om ſo en ſalmē ghenen ſaghe noch weeckmoedigē tot ridder ſlaen noch te ſtrijde ſetten Vijftewarf ſo ſellen ſi weſē goe dertierē en̄ barmhartichop dē bedructē want dat is die meeſte ſeghe den verwōnē te ſparē en̄ genadich te weſē Mē leſt dat eē le-we niemēt arch en doet die voir hē neder leit Dieedelle mannen en plegen niet vrack noch gijerich teweſen. Ghelijck alſmē leeſt datte coenīge vā iſrahel

s