eens mās leuen moet als een panſer van mennigerhande goedertirenheit gebreyet weſen. Die wijſheit is der duechden helm. want ſiſiet verre ouer.waerachtige geloue is ſijn ſcut en̄ ſijn boge. Die redē is ſijn zweert. Stantachticheit is ſijn ſchilt. en̄Vaſte hope is ſijn peert. Vreſe is ſijn breidel. Eendrachticheit is ſijn wapentuer Goet gerucht is ſijnheraut Dit ſijn die wapene des lichtes wat man diedeſe heeft aen gedaen is ſtarcker. dan die borghe beclijmmet. is ſcoenre dan die van varwen glimmetwant alſo veel als een ridder mit goude buten anderen mānen van weerde wit beteickent is zo moet hivan duechden ouerzwemich weſen . Die meiſtervigecius. ſeit int ridder boeck. Dat een ridder ſaldeſe punten aen hem hebben Eerſt hi moet weſenwijs en̄ cloeck want menich ſtrijt en̄ vechten dicwilmeer mit wijſheiden is gewonnen. dan mit mach-ten of mit menichte van volke. Alexander de keiſerdoe hi Egipten. Caldeen en̄ indien verwan. wasmeer beſet mit wiſen ridderen dan mit ſtarckē Hihadde eerſte een cleijn her. Mar weel beſocht en̄ beleeft bi ſijnen vader Ander warf ſo ſellen die ridderē weſen trouwe. hoeren heer of vorſte want eenedel margarite die ſcoen blencket in dat vingerlijndes ridders is ſculdich geloue en̄ vaſte trouwe Alsten Ridder ſeide dē Conīck toe Deſe wenden die icontfenck indē ſtrijt om dinen wille. wiſen dat ic di