459

socht ende bevonden hebben, ende oick mit nutten truwen bequemen 1385ende menicbfeldigen dienst, den he tgegen ons, onse vriende endeonee lande vurtyds duckwyle bewyst ende gedain beeft ende noch dachby dage alletyt dogentliken ende truweliken sich vorder tgegen ons,onse vriende ende onse lande bewyst ende ergeeft, also dat wy mitgonsten ende vordernisse dat mogentliken an hoen vervolgen, versienende bedencken, hieromme hebben wy denselven hern Herman vureynen onsen rayt, diener ende huysgesynde genomen ende onthalden,nemen ende ontfangen, voygen ende setten hoen in geselschap onderonser raide, riddere ende knapen ende dagelix huysgesyndes, endewillen, dat he gelyc hoen onser tafelen, cleideren, gonsten ende anderervribeit tot allen tyden gebrueken ende deileftich syn soele. Ende opdat die vurgenante her Herman in onsen dienst vortmer te vryliker,vollenkomentliker ende te willentliker arbeiden, ryden, gaen, staiu,komen ende wandelen moige, so hebben wy hem toegesacht ende toe-seggeu oevermids desen onsen apenen brief, oft sake were ende oftgeviele, dat ennich lantshere, geistlich of wereltlich, of anders yemant,he were we he were, die den vurschreven hern Herman, onsen raytende diener, in wat stait dat he were, anspreken, kroeden, of verdruckenwolde mit gewalt of mit ennygen saken, die erdacht syn of die manerdencken mach, so soilen wy den vurschreven hern Herman truwelikenverantwerden ende helpen mit raide ende mit dade na onser alinclikermacht ende hoen te dage brengen ende verdedingen op onse cost tge-gen alle diegene, die hoen anspreken, verdrucken of kroeden woldeumit gewalt of mit onrecht. Ende hebben oic den vurschreven hernHerman diewyle dat he leeft, in wat stait dat he nu is of hernamailscomen mach, van onser seker wetentheit oevermids rait ende gevolge- •nisse onser heymliker ende gemeyner vriende, die sich mit uns dairupwail bedacht ende besonnen hebben, vur ons, onse erven ende nacome-linge bewyst, beleent ende gegeven hebben, bewisen, belenen ende gevenoevermids desen brief puerliken ende lutterliken, also dat dese vur-schreven beleninge van ons, van onsen erven, noch van nymant andersin eyncher wys wederropen of gehindert sal rnoigen werden, vyftichguede, aide, swaire gülden schilde, guyt van golde ende gerecht vangewichte, munten des keysers van Romen of des coninx van Vranck-ryck of guyt ander gülden gelt dairvur na beloep der weerde in dertyt der betalingen up te helfen ende opteboeren oevermids hoenselven of oevermids synen sekeren baden, dien he dat bevelen will,also lange als hee leeft, alle iair op sente Martyns dach des heilgenbisschops in den winter comende, in wilken stait, orden of wesen dathe is of comen mach, uyt onsen tolle tot Nymegen. Ende bevelen