transport en Espagne, où il vid les grandeurs de la tressainte Trinité. Pres de Sienne Dieu le Pere le recommanda àson Filz chargé de sa croix, qui lui promit de l'assister à Ro-me, & là il apprit qu'il falloit nommer cette Compagniede Iesus, qui en vouloit estre le Fondateur. Il le fallut bien:car on lui fit des difficultez non pareilles d'approuuer cenouuel Ordre. En fin le Pape Paul III. dit que le doigt deDieu estoit là, & les Cardinaux l'aduoüerent aussi, & l'an1540. le 27. de Septembre il donna des Bulles authentiquesde sa reception.l'An 1541. on le voulut faire General: mais Ignace estoitsi humble qu'il le fallut forcer. Il ne fut pas si tost esseu, qu'ilse voulut deposer; ne pouuant pas, il commença son Gene-ralat par se faire garçon de cuisine, & seruiteur du cuisi-nier. Il commença à enseigner le catechisme, & à prescherauec vn tel ascendant sur les cœurs, qu'il faisoit des con-uersions admirables. Il distribua ses compagnons par toute l'Europe, il enuoia aux Indes, & de rien il fit tant dechoses, que c'est vn coup de la main toutpuissante de Dieu.Il erigea à Rome tant de maiſons de pieté, n'aiant rien dumonde, qu'on admiroit son courage. Tout le monde sebandoit contre lui, & tout l'enfer enrageoit de voir le bienque ce ſaint homme faiſoit, & que ſes enfants alloient fai-re par toute la terre. Il sembloit qu'il ne fit autre chose queprier Dieu, cependant lui seul faisoit plus d'affaires queplusieurs ensemble. Il fit des Constitutions, mais auec tantde larmes, que c'est chose incroiable. Il auoit vn tel torrentde larmes, qu'il alloit perdre la veüe ſi Dieu ne lui eutestanché. Il disoit la Messe auec tant d'amour, qu'vn iourde Noël son cœur pensa brusler. On ne scauroit dire quel-