PRATIQVE X.170hPOVR ESLEVER VNE FORTIFICATION AVECses remparts, parapets, fossez & leurs talus, sur leur plan geometral,E nom de Perspectiue Militaire, qu'on donne aux esleuations geometrales.⛪fait assez connoistre qu'on en laisse l'usage aux gens de guerre, ou plustost àla Noblesse, qui naturellement prend plaisir de se diuertir à trauailler auxIfortifications des bonnes places, soit qu'on vueille representercelles qu'onaura veues, ou en composer de soy-mesme, desquelles on est bien ayse de faire voir lesesleuations, aussi bien que le plan, sans y employer le trauail qu'il faut prendre en sui-uant les regles de la perspectiue reguliere, qui demandent des sujettions Mathematiquesqui en rebuttent beaucoup.Celle-cy est de vray plus aysée, & le peu de pratiques que i'ay données en ce traitéfont voir par experience qu'il n'est pas besoin de plus grande science pour esleuer, quepour tracer vn plan, & que qui fait bien l'vn, peut entreprendre & venir à bout del'autre tres facilement. Car supposé qu'on ait tracé vn plan comme le demy quarré Aauec les lignes à l'entour qui representent toutes les largeurs des rempars, parapets &foſſez auec tous leurs talus ſelon le profil B, C: Il n'y a plus qu'à eſleuer des perpendi-culaires de tous les angles du plan, auſquelles perpendiculaires on donnera les hauteursselon celles du profil BC, où l'eschelle du plan qui est icy de cent toises à six pieds de Roychacune, qui peut aussi bien seruir aux mesures des esseuations qu'à celles du plan. Orie serois d'auis que l'on fist chaque piece l'vne apres l'autre, afin d'euiter l'embaras deslignes.Par exemple, esseuer premierement la perpendiculaire occulte du dehors du rempart,comme à b, puis y ayant donné la hauteur, ioindre de lignes droites tous ces poinctsb, b, b, &c. & en suite tirer son talube; Par apres on esleuera de mesme les Parapets, lerempart & tout le reste, iusques à ce que la piece soit acheuée, comme celle D;où i'eus-se fait paroistre d'autres ouurages tant au plan qu'à l'esleuation ; comme rauelins, de-my-lunes, & autres piéces destachées, qui s'esleuent auec la mesme facilité que celles-cysi i eusse eu plus de place; ce qui ma encore empesché de tracer le fossé au plan sur lacartelle A : mais il se void assez au profil BC, & en la piéce de dessous esleuée en D.