146 I. PARTIE DE LA PERSPECTIVE PRATIQVE.ePRATIQVE XIX.POUR TROVVER L'OMBRE DES OBIETS RONDS,au Flambeau.Yant fait la figure precedente, il m'est venu en la pensée, qu'on pourroitestre en peine, s'il se trouuoit DES BOVLLES, DES COVPES, DES BOCALS,des Flacons, ou autres pièces rondes (qui ont ordinairement plus de l'ar-(jeur en haut qu'en bas) desquelles on voulust auoir l'ombre au Flambeau;Sà raison que telles piéces paroissent plus difficiles que les quarrées, quoy qu'en effect cesoit toute la mesme pratique, n'y ayant qu'à reduire le quarré en rond, ainsi que i'ay en-seigné aux feuillets 21, 22, 30, 31, & 87. où l'on verra toutes les pratiques pour mettreles plans des pieces rondes en perspectiue; ce qu'estant sceu, tout le reste est fort aisé àcomprendre.I'ay desia dit au feuillet 134. comme il faut trouuer le plan d'vne boulle, & par ce planauoir iustement la grandeur de l'ombre au Soleil : Mais comme celle du Flambeau estdifferente de celle-là ; i'ay creu estre necessaire de la mettre encore icy, à raison qu'ellefacilite la pratique de toutes les autres rondeurs.Pour l'ombre de cette Boulle, ie dis donc, qu'ayant fait sa rondeur auec vn compas,qui est le cercle A, & tiré son diametre BC, qu'il faut dessous ce cercle faire vne ligneparablele à BC, qui touche le cercle au poinct H; puis des extremitez du diametre BC,faire tomber des perpendiculaires sur cette ligne de dessous, comme BD, & CE, desquelspoincts DE, l'on formera à l'ordinaire le plan DEFG, dont le diametre F G, couperaceluy DE, au poinct H: Ce plan DEFG, seruira pour trouuer l'ombre de cette Boulle A.Car apres auoir tiré du pied de la lumiere I, des lignes qui touchent ce plan de part &d'autre, comme sont les lignes IK, & IL; & encore vne autre ligne passant par le mi-lie i du plan H, qui sera la ligne IHM il faudra par apres tirer d'autres lignes du feu de laChandelle N, qui touchant la boulle iront couper ces lignes du plan, comme du poinct N,tirer vne ligne qui touche la Boulle entre A, & B, & coupe la ligne IH, au poinct M, quisera la fin de l'ombre : Pour auoir le commencement de cette ombre, il faut du mesmepoinct N, tirer vne autre ligne qui touche le deuant de la Boulle, & coupe encore la li-gne IH, au poinct Q; cette distance QM, sera la longueur de l'ombre. Pour sa largeur,il faut encore du poinct N, tirer deux lignes par les extremitez du diametre de la boul-le ZZ, & elles couperont la ligne IK, au poinct R, & celleIL, au poinct S. C'estpourquoy si R S, est la largeur de l'ombre, & Q M, la longueur, il n'y a qu'à joindre cesquatre lettres d'vne ligne courbe, qui donnera vne ouale pour l'ombre de la boulle B.Ie me suis vn peu estendu pour faciliter l'ombre de cette boulle, à raison que i'ay creucette seule pratique suffisante pour trouuer l'ombre des autres rondeurs, comme de laFigure V, laquelle ayant deux largeurs inegales, doit auoir vn plan de deux cercles. Etcelle de de$$ous X, qui en a trois differentes, oblige à faire vn plan de trois cercles, l'vnpour le col du bocal, ou flacon : l'autre pour son ventre, & l'autre pour le pied : tous cesplans se font comme la Boulle. Ie ne croy pas qu'il soit necessaire d'user de redites, la Fi-gure pouuant enseigner d'elle-mesme.