135 I. PARTIE DE LAPERSPECTIVE PRATIQVE,.PRATIQVE VII.AV SOLEILPOVR TROVVER L'OMBREà toutes ſortes de figures.Ombre de ces Figures se trouue par les pratiques des autres Corps :c'est à dire, par paralleles, tant de celles du dessous de la Figure, quede celles qui viennẽt du Soleil ; auec cette seule difference que l'Ombredes autres Corps, ou obiets, se trouue par l'ayde de leur plan, & quetheles Figures n'en ont Point: mais au lieu de ces Plans, il faut, de l'as-pect que l'on void la Figure, tirer vne ligne par de$$ous ſes pieds &sur cette ligne faire tomber perpendiculairement ce qui est plus remarquable à la Figu-re, pour ayder à trouuer l'Ombre, & alors cette ligne de dessous seruira comme dePlan.Par exemple, LA FIGVRE ESTANT NVE, ou habillée, & sans manteau, comme lapremière qui nous toutne le dos : il faut du dessous de ses pieds A, tirer vne ligne au poinctde veuë B, & dessus cette ligne AB, faire tomber des lignes occultes de tous les poinctsqui peuuent ayder à trouuer la vraye Ombre : comme de la main C faire tomber vne li-gne à plomb, qui coupera la ligne AB, au poinct D; & du coude E, en faire tomber vneau poinct F, & encore vne autre de la teste G, qui donnera le poinct H : De tous cetpoincts D, E, H, des pieds de la figure, & du bout de son baston I, il faut tirer des paral-leles à la ligne de terre.Puis s'estant determiné la hauteur du Soleil, il faut tirer vne ligne, comme K, passantpar le deuant de la figure touchant le bord du chapeau G, & la continuer iusqu'à cequ'elle coupe la ligne H, au poinct L, qui sera le bout de l'ombre : Et encore du bord dederriere son chapeau M, il faut tirer vne parallele à KGL, iusqu'à ce qu'elle coupe enco-re la ligne H, au poinct N; ces poincts N, L, seront l'ombre du chapeau. Il faudra tirervne parallele à celles-cy par le poinct C, iusqu'à ce qu'elle coupe la ligne D, au poinct O.Ce poinct O, sera l'ombre de la main qui tient le baston: C'est pourquoy tirant de cepoinct O, au poinct I, cette ligne OI, sera l'ombre du baston: faudra tirer encore vneparallele au poinct E, qui coupera F, au poinct P, & sera l'ombre du Coude, & ainsi detous les endroits qu'on voudra : comme des genoux, sur les paralleles qui passent des-sous les pieds ; & de tous ces poincts marquer l'ombre de toute la Figure : la petite Figu-re Q, a pris son ombre par la mesme pratique : Ie n'ay pas marqué tous les poincts, nyles paralleles, pour éuiter la confusion, & embaras des lignes.Pour trouuer les Ombres des Figures QVAND ELLES SONT VESTVES DE LONG, fautcomme i'ay dit, tirer du dessous de leurs pieds, vne ligne au poinct de veuë R, commecelle S R, & du bas de la robe de part & d'autre, tirer deux paralleles à la ligne de terre,comme TV, & entre TV, vne autre X, qui est le mileu de la figure : Puis du dessus dela teste, tirer vne ligne Y, qui sera pour le rayon du Soleil, qu'il faut continuer iusqu'àce qu'elle coupe la ligne X, au poinct Z, & ce poinct Z, sera le terme où l'ombre doitfinir : le reste de l'ombre se tirera entre les deux paralleles TV; que si quelque chose deborde, comme les deux plis †, & *, il les faut tirer par paralleles à Y iusqu'à ce quellescoupent le rayon V, comme on void que ♃, donne l'ombre du coude, & * donne cel-le des plis du manteau.