117 I. PARTIE DE LA PERSPECTIVE PRATIQVE,.PRATIQVE XCII.POVR METTRE DES PERSPECTIVES DE PETIT EN GRAND,& de grand en petit.Vuis que les desseins se font en petit, auec plus de facilité qu'en grand, il est croyable qu'onles y fera tousiours, ce qui m'a fait resoudre à donner icy la methode de mettre les petitsdeſſeins en grand ſur les toiles.Les Peintres se seruent ordinairement de cette pratique, qu'ils appellent petit pied deSquarreaux, ou eschiqué, c'est à dire, qu'ils diuisent les petits desseins, & les toilles où ils doi-uent estre peints, d'vn mesme nombre de quarrez, & mettent proportionnellement ce qui est dans vn quar-ré du dessein, au quarré de la toille qui luy correspond: quelques, vns se trouuent bien de cette pratique.En voicy vne autre, qui à mon iugement est plus aisée, & plus asseurée; il faut auoir vne Eschelle propor-tionnée au petit dessein, & vne autre Eschelle proportionnée à la toile. Quand on veut faire vn dessein, lapremière chose qu'on se determine; c'est l'eschelle qui doit donner les mesures de toutes les piéces du dessein.Par exemple, au PETIT DEESEIN A, L'ESCHELLE BC, de 5, petites parties (qu'on peut prendre chacunepour vn pied de Roy) a esté faite la premiere & dessus cette Eschelle, l'on a pris l'horison, la hauteur, &esloignement des Arbres, la largeur des Allées, &c.Or pour mettre ce PETIT DFSSEIN EN GRAND; voicy comme il faut proceder. Premierment, il faut sça-uoir si la Perspectiue doit auoir l'horizon naturel; c'est à dire, que le bas du Tableau estant à terre, la li-gne horizontale soit à la hauteur de nostre œil, qui est enuiron 5 pieds de Roy. Cela estant, il faudra pren-dre la hauteur naturelle HI, & en faire vne Eschelle de 5 pieds de Roy F G, afin qu'ayant pris toutes lesmesures au petit, on les puisse transporter & les prendre dessus le Grand, comme ie m'en vay faire voir.Les deux mesures de proportion, ou Eschelles, estant disposées, comme nous venons de dire : La premiere chose que l'on fait, est de prendre deſſus le petit deſſein auec vn compas commun, la diſtance de la ligne deterre D, iusqu'à l'horison E; & porter cette ouuerture de compas DE, dessus la petite Eschelle BC, &prendre garde quel nombre de parties elle donnera, comme icy elle en donne 5; il faudra donc prendreautant de parties sur la grande Eschelle FG, & les mettre de part & d'autre du Tableau, ou Grand Dessein,commençant au bas de la toille H, H, & finissant en I, I. De ces poincts II, il faut tringler vne ficelle blanche, ou noire; cette ligne II, marquera l'horison au grand Tableau ; Puis prendre la distance ou enfonce-ment K L, du petit Dessein, qui est le pied de la maison, & la porter dessus la petite Eschelle BC, pour voircombien l'on aura de parties, & en prendre le mesme nombre dessus la grande eschelle F G, & mettre cequ'on trouuera dessus les bords de la toille H M,HM, qu'il faudra tringler, comme l'horison. Pour auoirl'enfoncement du deuxiesme Arbre, au petit dessein; il faut prendre la distance NO, & la porter dessus lapetite Eschelle BC, & prendre autant de parties sur la grande Eschelle F G, que l'on en aura trouué à lapetite. N O, donne 2 parties de la petite, il en faudra prendre 2 de la grande, qui donneront H P, qu'ilfaudra tringler, comme nous auons dit : On pourra pratiquer de mesme toutes les paralleles à la ligne deterre, comme sont les autres Arbres, les Fenestres, les Toicts de Maisons, &c,Pour les lignes à plomb, ou perpendiculaires à la ligne de terre; c'est la mesme methode, il n'y a qu'à ehan-ger de costé pour les marquer, qui est, qu'au lieu de marquer au costé de la toile, comme nous venons defaire, il faut marquer au dessus & au dessous. Par exemple, pour auoir les deux coins de la maison du fondil faut prendte auec vn Compas dessus le petit dessein QR, & porter cette ouuerture dessus l'Eschelle BCl'on trouuera enuiron 7 parties & demie : on prendra autant de parties dessus la grande Eschelle F G,qui donneront HS, TS, qu'il faudra tringler, & faire ainsi de toutes les autres perpendiculaires, soitBastimens, Arbres, Pallissades, &c.Pour trouuer les rayons visuels, qui sont les lignes qui vont au poinct de veuë V: à ce poinct V, il fautattacher vne ficelle, ou filet, auec vne espingle pliée, de peur de faire le trou trop grand : ce filet ou ficelle,doit estre de la longueur du Tableau, pour pouuoir tringler & tirer tous les rayons fort exactement. Parexemple, pour auoir les deux rayons de la largeur des Arbres qui sont au petit dessein DX : il faut prendrecette distance DX, & la porter dessus la petite Eschelle BC, & prendre dessus la grande F G, à proportionde ce qu'on aura trouué à la petite, qui donnera H, Y: lesquels poincts H, Y, on tringlera auec la ficelle dupoinct V. Pour auoir encore le rayon des palissades, il faut prendre la distance D Z, & la porter dessus lapetite Eschelle BC, & prendre autant de parties dessus la grande Eschelle PG, qui donnera H†, qu'ilfaudra tringler de la ficelle du poinct V. &c.Tout ce qui est aux Perfectiues, tombe ordinairement dessous ces trois sortes de lignes, Paralleles,Perpendiculaires, & Rayons visuels, qui ayans esté rendu faciles à faire dessus la toile, l'on craindra moinsla peine de mettre les Petits Desseins en Grands.Pour mettre LES DESSEINS DE GRANDS EN PETITS, il faut seulement changer les pratiques, c'est à direqu'il faudra prendre les mesures premierement dessus la grande Eschelle, & les diminuer proportionnelle-ment dessus la petite; comme si l'horizon du grand dessein estoit de 5 parties de la grande Eschelle, i'enprendrois 5 parties de la petite Eschelle, pour la hauteur de l'horison du petit dessein: & ainsi de tout le reste.