96 I. PARTIE DE LA PERSPECTIVE PRATIQVE,.PRATIQVE LXX.D'AVTRES DIVERSES OVVERTVRES.ES OVVERTVRES DES ARMOIRES, ET DES COFFRESsont pour lemoins aussi necessaires que celles des portes, & desfenestres ; & la faute n'eust pas esté moindre d'oublier celles-cy,que de ne pas mettre celles-la. En voicy la pratique dans ces deuxFigures.LES ARMOIRES A, ſont ouuertes ſelon les pratiques desFenestres, & seroit perdre le temps de s'amuser à les repeter icy.On remarquera seulement que celle d'en-haut est parallele àl'horizon, & l'autre d'en-bas tire au poinct de distance B.SCette façon de BOVTIQVE qui est de l'autre costé, a son ouuerture de deux Volets,dont l'vn se leue en-haut, & l'autre descend en bas, & chacun fait son demy-rond descentres C, & D, que l'on fait auec vn compas; puis l'on y prend les ouuertures où l'onveut, comme icy au poinct E, duquel on tire vn ravon au poinct de veuë F, iusqu'àcouper les demy-ronds de l'autre bout au poinct G, desquels poincts E, G, il faut tirer auxcentres C, D, pour auoir les Volets qui ferment la Boutique, comme on void en la figurede dessus.En la figure de dessous, il y a trois COFERES ouuerts diuersement. Pour ouurir le pre-mier, H, i'ay fait le quart de rond M, en perspectiue, suiuant la mesure des quarreauxdu plan, gardant la largeur du Coffre, comme celuy-cy est de deux quarreaux, desquelsil faut esleuer des perpendiculaires, & en former le demy, ou quart de rond, pour l'ou-uerture que l'on prendra à discretion; comme icy du poinct N, duquel il faudra tirervne parallele iusqu'à l'autre quart de rond O: de ces deux poincts N, O, tirer aux cen-tres P. Si on le veut ouurir d'auantage, il faudra faire vn demy-rond au lieu d'vn quartde rond.Le COFFREI, est la façon la plus aisée de toutes les ouuertures : car ayant pris lalargeur du Coffre QR, il faut du centre R, faire auec vn compas le demy-rond QS,Puis prendre quelle ouuerture lon voudra, comme T, & tirer vn rayon au poinct deveuëe V, qui coupera l'autre demy-rond au poinct X, & de ces deux poincts T, X il fauttirer des lignes aux coins R.Qui les voudra ouurir d'auantage, n'a qu'à mettre le poinct de l'ouuerture plus hautdans les demy-ronds, comme Y, est au Coffre K; Tout le reste se pratique de mesmequ'au Coffre I, comme l'on peut voir en la figure.