65 I. PARTIE DE LAPERSPECTIVE PRATIQVE,.PRATIQVE XXX.DES FIGVRES EN ARCADES D'AVTRES FACON.ES ARCADES VEVES DE FRONT, que nous auons mises cy-deuant, sontfaites exactement ; mais elles sont vn peu longues dans la pratique. En voicyvne autre façon aussi iuste, & plus courte, que l'on sera bien-aise de sçauoir.Ayant fait du centre A, le demy-rond, ou le cercle entier BHI, il faut ducentre A, & du bout du diametre B, tirer des rayõs au poinct de veuë C, puis mettre des-sus BI, la largeur, ou espaisseur que vous voulez donner, comme est DA; Et de ce poinctD il faut tirer vne ligne à la distance E, & à la section de cette ligne DE, dessus le rayonAC, au poinct F, il faut tirer vne parallele à la ligne de terre, iusqu'à ce qu'elle coupele rayon BC, au poinct G; puis mettre vne jambe du compas au poinct F, & de l'autrejambe prendre la distance G, pour faire le demy-rond, ou rond entier, qui sera l'espais-seur de l'arcade, ou du rond; comme on void aux Figures.Toutes les lignes K, se doiuent tirer au centre A, & les autres lignes L, au poinct deveuë C. Cecy peut seruir pour des Fenestres Rondes faites de pierre; desquelles ces li-gnes K, L, feront les joincts: comme aussi pour des Tonneaux, Cuuiers, & chose sem-blable.E~PRATIQVE XXXI.ARCADESVEVES OBLIQVEMENT ENPerspectiue.Bette Pratique pourra seruir quand on sera pressé, & que l'on ne voudra pas estresi exact & aussi pour éuiter quantité de lignes, que l'autre pratique oblige de faire.Ie dis donc, qu'ayant formé la premiere Arcade NO, comme nous auons dit cy-de-uant, Il faudra faire dessus ce premier trait, des petites paralleles à la ligne de terre entel nombre qu'il vous plaira, comme sont celles Q; puis prendre auec vn compas lalargeur où commence l'Arcade, comme est PO, & la porter dessus toutes ces petitesparalleles Q, qui donneront des poincts R, par lesquels poincts R on menera vne ligne courbe, qui formera l'espaisseur de l'Arcade.Il est certain que selon la Perspectiue, les objets s'eslargissent quand ils s'approchentde nous, & que la ligne OP, deuroit estre plus petite à mesure qu'elle s'en esloignemais en cecy, la difference de ces largeurs est de si peu, qu'elle tient quasi lieu de rien;Et puis ie ne donne pas cecy pour vne regle: mais pour vn soulagement aux plus hastez